A páxina web da CGENDL acolle unha vez máis un monográfico
especial sobre o Entroido con materiais para traballar nas aulas,
nos centros escolares e nas casas: http://coordinadoraendl.org/2014entroido/index.php.
Este sitio web reúne recursos didácticos de diferente fasquía como actividades,
vocabularios, manualidades, audiovisual, publicacións, etc., así como
diferentes novas de actualidade relacionadas con esta celebración: concursos,
experiencias, etc. Concibido como un espazo colaborativo, o monográfico está
aberto ás vosas achegas; por iso, pedímosvos que remitades novos materiais
elaborados nos vosos e noutros centros, que serán identificados ou
redireccionados convenientemente.
Neste sentido, lembrámosvos novamente que a CGENDL mantén unha páxina
de recursos de acceso libre para todo o profesorado:
Dende a Coordinadora consideramos que entre todos e todas podemos
contribuír a dotar de material este apartado de recursos no que, ademais de
poder consultar un amplo abano de propostas para desenvolverdes co voso
alumnado, podedes achegar a través dun sinxelo formulario (http://coordinadoraendl.org/limiar.php?pax=rec_subir.php)
aqueles materiais que consideredes que poden ser de utilidade para traballar
tanto nas diferentes áreas do currículo como nas diferentes actividades que
levan a cabo os Equipos de Normalización e Dinamización Lingüística.
Se tedes calquera dúbida ou problema á hora de cumprimentar o formulario e
enviar os recursos, escribide a: correo@coordinadoraendl.org..
Aproveitamos para adiantarvos que o
seguinte número da revista “Ollos de aula” terá carácter bimensual
(marzo-abril) por mor das vacacións de Semana Santa.
Saúdos normalizadores
CGENDL
Ningún comentario:
Publicar un comentario