mércores, 21 de decembro de 2011

BO NADAL DESDE A CDEDLG DE VIGO

A CDEDLG de Vigo e Bisbarra agradécevos a vosa colaboración durante este ano que remata e deséxavos un Bo Nadal e un Próspero Aninovo para vós e para a lingua!

Que o 2012 traia esperanza e feitos para a lingua de noso!

Parabéns a tod@s compañeir@s!

FELICITACIÓN EDITORIAL GALAXIA

EMISIÓN DE SIMBAD NA TVG

XOVES 22 DE DECEMBRO ÁS 23/45.

http://dl.dropbox.com/u/22728933/emision_sinbad.pdf

FELICITACIÓN GAÑADORA DO CONCURSO DE POSTAIS DE NADAL DA CONSELLERÍA

A Secretaría Xeral de Política Lingüística con intención de favorecer o uso do galego nas mensaxes de felicitación de Nadal nos novos formatos e a través das novas tecnoloxías, así como de crear un corpo de presentacións de Nadal en galego para difundir na Rede entre o público xeral, pon á vosa disposición os seguintes recursos:
-  Galería de presentacións de Nadal. Na ligazón que abaixo indicamos, podedes atopar os traballos gañadores e outros seleccionados que tamén participaron no Concurso de presentacións electrónicas de Nadal.  

-  Espazo con postais en galego. Este espazo, ademais de ofrecer diferentes modelos de postais, contén unha aplicación que permite felicitar directamente a través da Rede. Recoméndase utilizalas con correos xenéricos, non corporativos e podedes acceder indo á seguinte ligazón:

        Aproveitamos tamén para desexarvos unhas felices festas coa presentación gañadora do concurso deste ano.

Bo Nadal!  


No enlace que vén ou clicando no título do post podedes ver o ppt da postal gañadora. 

http://dl.dropbox.com/u/22728933/postal%20nadal_ganhador_6infantil.ppt

venres, 16 de decembro de 2011

INFORMACIÓN SOBRE MATERIAIS NO WEB DO SNL DA CONSELLERÍA

20 ANIVERSARIO DOS EDLG

Este ano celébrase o vixésimo aniversario da creación, en todos os centros educativos de primaria e secundaria de Galicia, dos actuais equipos de dinamización da lingua galega. O amplo traballo realizado polos equipos durante estas dúas décadas permitiu alcanzar dous obxectivos fundamentais: por unha banda, promover unha imaxe positiva do galego e, por outra, favorecer a visibilización
e o uso do idioma nas actividades
do centro.  Por este motivo,
a Secretaría Xeral de Política
Lingüística quere celebrar os
seus 20 anos de existencia, de ilusión
e de esforzo compartido mediante
dúas iniciativas. En primeiro lugar, unha exposición de revistas escolares elaboradas polos equipos desde o inicio da súa andaina, que pode visitarse do 15 de decembro 2011 ao 15 de marzo de 2012 no Museo Pedagóxico de Galicia (achegamos o díptico como documento adxunto). En segundo lugar, a conmemoración deste aniversario complétase cunha mostra virtual de 20 experiencias dinamizadoras, entre as que se atopan diversas propostas actuais para todas as etapas educativas. A través destas dúas iniciativas convidámosvos a celebrar conxuntamente o aniversario dos equipos e a homenaxe ao seu traballo.
Podedes acceder  á mostra virtual a máis información sobre exposición de revistas dixitais  na seguinte ligazón:
                          

NOVOS MATERIAIS NO WEB
         Ademais  das actuacións que conmemoran o aniversario dos EDLG, a SXPL vén de publicar no espazo web outras iniciativas elaboradas polos EDLG  durante o curso 2010-11. Achegamos en enlace adxunto  máis información e as ligazóns para que poidades acceder.

Parabéns a todos/as!

Consellería de Educación e Ordenación Universitaria
Gabinete Provincial de Normalización Lingüística
Rúa Fernández Ladreda nº 43, 8º andar
CP 36003.
Pontevedra

sxpl.pontevedra@xunta.es


ENLACE DE MATERIAIS E LIGAZÓNS ( CDEDLG de VIGO)
http://dl.dropbox.com/u/22728933/aviso%20dos%20materiais%20colgados%20na%20primeira%20quenda.doc

UNIDADE DIDÁCTICA SOBRE O NADAL

Aquí vos deixamos unha unidade didáctica sobre o Nadal a proposta do SNL do Concello de Vigo.
Hai cantigas, pasatempos, contos e outras actividades para entreter ao alumnado nestas datas de lecer, tanto nas aulas como na casa se enlazades a Unidade aos vosos blogues.

http://dl.dropbox.com/u/22728933/unidade_didactica_nadal.pdf

xoves, 15 de decembro de 2011

II PREMIO APALPADOR

Este ano convócase de novo o " Premio Apalpador" para escolares, con algunhas variantes con respecto ao ano anterior, para máis información accedede á páxina " O sitio web do Apalpador". http://www.apalpador.com/?q=user

ACTIVIDADES DE NADAL

Esta fin de semana o SNL do Concello de Vigo oferta actividades para @s máis cativ@s nas que ocupar o tempo de lecer, estas son:

" Polo correo do vento" o venres 16 ás 18/00 h en Gran Vía de Vigo.
" Antón, o Apalpador" o sábado 17 ás 12/00 h na Biblioteca Central de Vigo
" Polo correo do vento" o domingo 18 ás 17/00 h en " Detrás do Marco".

Podedes ver os cartaces nos seguintes enderezos:
http://dl.dropbox.com/u/22728933/CC_gran_via_polocorreodovento.pdf
http://dl.dropbox.com/u/22728933/cartel%20_AOA%20_bibliotecacentral.pdf
http://dl.dropbox.com/u/22728933/detras_do_marco_polocorreodovento.pdf

Ademais clicando no título podedes acceder a tódalas actividades ofertadas para este Nadal.

sábado, 10 de decembro de 2011

FELICITACIÓNS DE NADAL

Prezados/as compañeiros/as,
Lembrámosvos que un ano máis poñemos á vosa disposición un  espazo web para recoller as felicitacións elaboradas polo alumnado . As postais, unha vez dixitalizadas, poden ser enviadas a través da nosa propia páxina   e dun modo moi sinxelo polos propios nenos e nenas, as súas familias e os docentes á dirección de correo electrónico que desexen. O prazo de recepción de postais segue aberto ata o 19 de decembro. Nos documentos anexos remitimos as instrucións e un modelo de autorización para podermos subir á rede os traballos do alumnado:  http://www.coordinadoraendl.org/nadal2011/index11.php .
Así mesmo, grazas á vosa colaboración acabamos de actualizar o  monográfico especial Nadal 2011  con novos recursos didácticos para traballardes esta celebración nas aulas. Agardamos seguir completándoo coas vosas achegas e pedímosvos que nos axudedes a difundir esta iniciativa nos vosos centros e o voso contorno.
Saúdos normalizadores e moitas grazas por todo
Coordinadora Galega de ENDL

MODELO DE AUTORIZACIÓN
http://dl.dropbox.com/u/22728933/modelo%20autorizaci%C3%B3n%20postais.doc

martes, 6 de decembro de 2011

RECURSOS DE NADAL CGENDL

" O RECANTO DE LEO" PREMIO A DINAMIZACIÓN E INNOVACIÓN DAS BIBLIOTECAS ESCOLARES

PARABÉNS!

Análise de distintas ferramentas de creación de contidos educativos na rede

Durante a segunda quincena de novembro desenvolveuse no Centro Autonómico de Formación e Innovación da Consellaría de Educación o curso “Competencia comunicativa e dixital nas áreas de Lingua”, dirixido ao profesorado de lingua galega e castelá co obxectivo de reflexionar sobre a integración das TIC no desenvolvemento da competencia en comunicación lingüística nas aulas de linguas a partir do coñecemento dalgunhas experiencias, dunha boa escolma de boas prácticas, de secuencias didácticas de traballo co alumnado e de  determinadas ferramentas. Foi unha mágoa non asistir como alumno aos relatorios de compañeiros e compañeiras aos que sigo como Rosa Salgueiro, Luciano Fernández ou Loly Lago, alma mater do imprescindíbel O Segrel do Penedo, mais a través da Aula Virtual do CAFI podemos acceder aos seus materiais.

ROMÁN LANDÍN

TEATRO XOANIÑA


Xa chega un ano máis o teatro de Xoaniña!!!!!!!!!!!!!
Este ano propoñémosvos "Os Horacios e os Curiacios" adaptación da obra Bertolt Brecht e dirixida por Xerpo  Cultural.

A cita será o 10 de Decembro as 18:00 horas no Auditorio de Salceda de Caselas  e  a 
recadación da venda de entradas será entregada á ONG Shanga India, quen leva traballando dende hai moitos anos  en diferentes proxectos na India.

Unha tarde de teatro, cos máis pequenos...e non tan pequenos, de divertimento e risas.
Sempre gracias pola vosa colaboración e interés en todo o que facemos.....
Saúdos
E.I.Xoaniña

PUBLICACIÓN DE UNIDADES DIDÁCTICAS

Velaquí as unidades didácticas froito do Obradoiro de elaboración de unidades didácticas, publicadas polo Servizo de Publicacións e Intercambio Científico da USC, dependente da Vicerreitoría de Cultura, descargables en formato .pdf
  • Ciencias experimentais
  • Ciencias da saúde
  • Ciencias sociais e xurídicas
  • Ensinanzas técnicas
  • Humanidades

luns, 28 de novembro de 2011

CLIMA POÉTICO.

Blog adicado á literatura en lingua portuguesa do Brasil.
http://climapoetico.wordpress.com/

POR QUÉ É BO QUE OS NENOS E AS NENAS APRENDAN BEN O GALEGO

  1. - Porque o galego, fillo do latín e irmán - Porque se as nenas e os nenos de ¿Por que é bo quedo castelán, do francés, do italiano, do hoxe non o falan, dentro duns anoscatalán e de tantas outras linguas é non o falará ninguén e acabará os nenos e as nenasunha parte fundamental de todas as por desaparecer.persoas que nacemos ou vivimos nesta aprendan ben oterra chamada Galicia. galego? É a túa responsabilidade. Non o deixes morrer.- Porque o galego foi e é a lingua damaioría dos nosos pais e das nosas nais,dos nosos avós e avoas, dos nosos - E porque…bisavós e demais devanceiros. (Escribe aquí as túas razóns) - - - Equipo de Dinamización da Lingua Galega - -
  2. - Porque segundo as persoas - Porque aínda que nos primeiros anos - Porque os mozos e as mozas que naexpertas en aprendizaxe de linguas, mesture palabras das dúas linguas, a partir infancia aprenderon o galego na casaaos nenos e ás nenas que aprenden dos 6 ou dos 7 vai diferenciar perfectamente ou na escola tamén aprenderon ode pequenos dúas linguas (galego e o galego e o castelán. castelán sen problema ningún, pero acastelán, por exemplo) despois maioría dos que só aprenderon oresúltalles moito máis fácil aprender - Porque o galego é unha lingua tan rica, castelán, agora non son quen de falar eoutras (inglés, francés, alemán…) culta, útil e moderna coma calquera outra. de escribir en galego con soltura.- Porque unha nena ou un neno - Porque segundo todos os estudospequeno é capaz de aprender como actuais e imparciais feitos sobre amínimo dúas linguas ao mesmo evolución do galego, cada vez son máistempo sen problema ningún. os nenos/as e mozas/os que non saben - Porque as persoas que saben galego falar en galego.O importante é que a persoa adulta pódense comunicar facilmente con 280lle fale sempre na mesma lingua. millóns de persoas de lingua portuguesa (de Compárense por exemplo os datosPor exemplo, o pai sempre en Portugal, de Brasil, de Angola, de publicados polo Instituto Galego decastelán e a nai sempre en galego, Mozambique etc.) Estatística no ano 2003 e no ano 2008ou á inversa. (ver www.ige.eu). Isto fai que as posibilidades profesionaisCon todo, aínda que os dous lle para traballar con persoas destes países se En só 5 anos aumentou a porcentaxefalen en galego, o castelán vaino amplíen notablemente (médicos/as, da mocidade que non sabe falar enaprender tamén a través doutros enxeñeiros/as, empresarios/as…) galego dun 10,74% a un 12,34%...parentes, doutros nenos, da escola,da TV etc. E esta tendencia continúa acelerándose!

FALO PORQUE ME PETA

O GALEGO ENCAIXA CGENDL
http://vimeo.com/32789291

domingo, 27 de novembro de 2011

xoves, 24 de novembro de 2011

Xornadas "Educación e linguas en Galicia"

A Comisión de Normalización Lingüística da Facultade de Ciencias da Educación e o Servizo de Normalización Lingüística organizan as III Xornadas "Educación e Linguas en Galicia. O imaxinario social sobre o galego". Desenvolveranse os días 25 e 26 de novembro de 2011 no Salón de Actos da Facultade de CC. da Educación (Campus Sur), cos seguintes obxectivos:
  • Recoñecer a existencia de prexuízos lingüísticos na sociedade galega e no ensino e nos futuros ensinantes en particular.
  • Axudar a reflexionar sobre os prexuízos lingüísticos aos futuros docentes.
  • Aprender a identificar, previr e corrixir prexuízos lingüísticos dende unha óptica de igualdade das linguas.
  • Coñecer experiencias positivas de traballo contra os prexuízos. lingüísticos tanto de Galicia como doutras comunidades.
O destinatario principal destas xornadas son o alumnado e o PDI das titulacións impartidas na Facultade de Ciencias da Educación.

IV CONCURSO DE MICRORRELATOS E MICROPOEMAS TERRAS DO UMIA

mércores, 23 de novembro de 2011

DESPERTA DO TEU SONO

Aquí vos deixamos o enderezo e enlace ( pinchando no título) deste interesante blogue de José Manuel Barbosa donde se presentan concursos e moitas outras novas de interese para a lingua e o profesorado de galego. É un blogue interactivo onde se pode participar e colaborar, asi como obter información sobre  outras propostas normativas. Tamén podedes acceder e seguilo en " A nosa lista de blogues" .

martes, 22 de novembro de 2011

OPS! O PORTUGUÉS SIMPLES

MAPA DIALECTAL DE GALICIA.

REPORTAXE SOBRE A SEGREGACIÓN DA LINGUA GALEGO-PORTUGUESA.

Interesante video.

RECURSOS DIDÁCTICOS PARA TRABALLAR O NADAL NAS AULAS.

Prezados/as compañeiros/as,

Por segundo ano consecutivo, a CGENDL pon á disposición da comunidade educativa un  monografico para o Nadal . Deste modo, dende a Coordinadora ofrecémosvos a nosa páxina como unha plataforma web colaborativa que recolle recursos e materiais elaborados nos propios centros escolares. Os monográficos de Nadal, Entroido, Letras Galegas, etc. completan o espazo de recursos xeral (  http://ir.gl/8b9eb4  ), de acceso para os membros do colectivo, que na actualidade conta cunhas 200 entradas. No especial de Nadal podedes atopar:

1.- Recursos para traballar nas aulas:  escolma de recursos elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, modelos de cartas para enviar aos Reis Magos e o Apalpador, o refraneiro, bases de concursos, etc. Agardamos completala coas vosas achegas a   correo@coordinadoraendl.org  .  

Enderezo:  http://www.coordinadoraendl.org/nadal2  0  11/recursos/index.php


2.-  Postais elaboradas polo alumnado:  espazo destinado a recoller as felicitacións feitas polo alumnado que, unha vez dixitalizadas, poden ser enviadas, a través da rede e de modo moi sinxelo, polo propio alumnado e as súas familias para felicitar as festas e o novo ano. O prazo de recepción de postais continuará aberto ata o 19 de decembro. Nos documentos anexos remitimos as instrucións e un modelo de autorización para podermos usar os traballos do alumnado. 

Enderezo:  http://www.coordinadoraendl.org/nadal2011/index11.php

Lembrade que a CGENDL é unha entidade formada por equipos e docentes que traballan de forma voluntarista e de forma construtiva, e que non ten subvencións nin outras vías de financiamento para ofrecer premios. O maior premio é poder compartir a ilusión posta no traballo polo noso alumnado e os seus profesores e profesoras e a satisfacción das familias ao ver os resultados deste labor.

Agardamos que este proxecto vos sexa de utilidade.

Saúdos normalizadores

Pinchando nos enlaces ou no título podedes acceder aos documentos de Cómo enviar as postais, e a Autorización.

http://dl.dropbox.com/u/22728933/como%20participar%20no%20env%C3%ADo%20de%20postais%20de%20nadal.pdf

http://dl.dropbox.com/u/22728933/modelo%20autorizaci%C3%B3n%20postais.doc

Escritas e falares da nossa língua

domingo, 20 de novembro de 2011

sábado, 19 de novembro de 2011

A LINGUA SABE A PAN. NOVA MONTAXE.

20 ANOS DE EQUIPOS DE NORMALIZACIÓN LGTCA.: GRAZAS!

QUE É UN EQUIPO DE NORMALIZACIÓN LINGÜÍSTICA?

Prezados/as amigos/as,
Enviámosvos hoxe dous materiais pensados para poñer en valor o traballo dos equipos. Cremos que vos poden ser de utilidade neste momento no que algúns poñen en cuestión o noso traballo e a nosa existencia.
Por un lado a  chegámosvos en arquivo anexo o decálogo  "Que é un equipo?" , un documento para a reflexión que ofrece algunhas claves sobre a súa natureza e funcionamento e que pode servir como presentación do equipo ante a Comunidade Escolar. 
Do mesmo xeito, para festexar o  XX aniversario dos equipos , deseñamos un  tarxetón para enviar ás familias  co obxectivo de agradecerlles o seu apoio ao longo de todo este tempo e agora nun novo curso. Podedes tomalo como modelo e adaptalo á realidade do voso centro ou participar da súa edición conxunta con outros equipos a un prezo de 0'083€ (+ IVE) por unidade. O formulario de pedimento atópase na páxina que recolle os materiais editados para esta conmemoración:   http://www.coordinadoraendl.org/vinteanos/pedimentos.php
 
Saúdos normalizadores
CGENDL

OFERTA EDITORIAL DE GALAXIA

OBRADOIRO DE LITERATURA E CREATIVIDADE EN TORNO Á FIGURA DE ÁLVARO CUNQUEIRO

Estimados/ as compañeiros/ as,

Poñémonos en contactos con vos nesta ocasión para ofertarvos unha nova actividade para o vindeiro sábado 26 de novembro de 2011 que esperamos sexa do voso agrado, o Obradoiro de literatura e creatividade en torno á figura de Álvaro Cunqueiro está especialmente pensado para docentes interesados en traballar coa obra de Cunqueiro nas aulas e actividades.

A través de temas básicos da literatura galega de Álvaro Cunqueiro, proponse este obradoiro enfocado á creación de contacontos que permitirán achegar a figura do escritor mindoniense dun xeito lúdico e creativo. Utilizaranse  metáforas narrativas que se desprenden do acervo cultural europeo e que se plasman no texto máxico realista no seu libro "Un home que se parecía a Orestes".
No obradoiro farase unha análise dramatúrxica e creativa dos textos e concretaranse estas propostas en improvisacións teatrais que permitirán aos asistentes ni futuro transmitir mellor e facer máis comprensible os textos de Cunqueiro a través de propostas creativas e teatrais.

Nos documentos adxuntos, achegamos máis información asi como a folla de inscrición.
http://dl.dropbox.com/u/22728933/Inscrici%C3%83%C2%B3n%20Cunqueiro-1.jpg

http://dl.dropbox.com/u/22728933/Inscrici%C3%83%C2%B3n%20Cunqueiro-2.jpg

Esperamos a vosa participación e que a información dada sexa do voso agrado.

Saúdos,

Verbum - Casa das Palabras
Concellería de Cultura e Festas
Concello de Vigo

ASOCIAÇIOM GALEGA DA LINGUA ( AGAL)

PÁXINA DO FB

GUÍA: " MADE IN GALIZA" Séchu Sende.


Esta guía quere ofrecer ao profesorado, coa axuda da lectura de Made in Galiza, unha maneira complementaria de explicar parte do programa de sociolingüística de 2.º de Bacharelato. Nos apartados titulados Para pensarmos un pouquiño hai textos sobre outras realidades lingüísticas e o profesorado decidirásobre a conveniencia ou non do seu uso na clase. Evidentemente a guía pode ser utilizada con outros cursos da ESO ou de 1 .º de Bacharelato en caso de que se recomende a lectura do libro ou para facilitar a comprensión dos conceptos de sociolingüística incluídos no programa de cada curso. Xa que logo esta guía, ademais de servir como apoio á lectura de Made in Galiza, pretende ofrecer material didáctico para fomentar o debate sobre as actitudes e os comportamentos ante a lingua galega entre o alumnado. Así mesmo recomendamos a lectura de Made in Galiza en cursos sobre a lingua e cultura galegas porque as situacións exploradas por Séchu Sende son realidades cotiás na nosa sociedade e son ideais para provocar nos asistentes aos cursos unha fonda reflexión sobre a actitude de cadaquén ante a situación da lingua galega. Algo moi necesario para que cada cidadán libremente tome consciencia e decida a súa posición ante a responsabilidade que temos de conservar e transmitir un ben colectivo como é a lingua galega.
PODEDES ACCEDER A ELA TAMÉN EN " FERRAMENTAS".

INSTRUCCIÓNS PARA FACER UN COMENTARIO DE TEXTO. XOSÉ MARÍA MORENO.

Tamén podedes acceder a través das ferramentas.

domingo, 13 de novembro de 2011

Discurso de peche da III Asemblea da CGENDL

Discurso de peche da III Asemblea da CGENDL O peor incendio que está a padecer Galicia / Galiza é o que se leva por diante a esperanza, afirmaba xa hai uns sábados Manuel Rivas nun artigo do xornal "El País". Máis abaixo, o autor facía unha diagnose perfecta do país na que nos incluía a nós, aos equipos: Temos un país queimado. Non só os montes de Ourense e algunhas outras bisbarras. Temos queimados os equipos e as equipas. Os equipos de normalización lingüística, por exemplo, eses botan fume por cada poro. E non me estraña. Como vas traballar no ensino oficial a prol dunha lingua, se todo o discurso do poder vai dirixido a descualificar ese traballo, a que a xente interiorice que a súa lingua é unha lingua inútil.(…) Esa é a situación, a que vivimos e percibimos a xente do ensino e a de fóra del, resumiuna perfectamente. Somos conscientes de que prenderon as lapas na esperanza, mais cómpre apagarllas. Actuar.
Volvo reproducir as palabras do escritor:
O Rexurdimento tamén agromou en circunstancias de desacougo colectivo e cando moitas cousas semellaban perdidas ou en perigo de perderse. O que cómpre, cando un país está queimado, non é apagar a luz e encamalo. Pola contra, éche o intre de levar a contraria, montar un novo Rexurdimento e botar un baile coa Negra Sombra. Penso que Rivas recolle perfectamente o noso espírito, o da CGENDL. Non podemos encamar tanto traballo normalizador feito ata o de agora esperando que esmoreza ás
escuras. Toca bailar coa negra sombra, coller azos e rexurdir. Cómpre que nos esforcemos por manter a esperanza posta no futuro. E o futuro do galego, máis concretamente o do galego no ensino, depende moito da nosa capacidade de resistencia.
Ten que ser posible saír deste foxo no que nos queren enterrar. Foino moitas veces. Outros antes ca nós conxugaron o verbo RESISTIR e por iso estamos hoxe aquí.
Resistimos ataques directos con acusacións falsas, aguantamos a indiferenza que nos pretende anular, soportamos o cansazo que produce todo o anterior e mais os anos dedicados a traballar de balde por unha causa na que se foi avanzando paseniño durante 20 anos e de golpe se retrocedeu moito.
RESISTIR significa evitar que recuemos máis. Para iso cómpre saír da queixa e do lamento e de quedarnos só en sinalar culpables. Resistir é denunciar pero ademais é actuar.
RESISTIR quere dicir que temos que descansar cando cansemos, pero non podemos abandonar o proxecto, a idea, o obxectivo.
RESISTIR non pode ser escudarse en que cada vez temos menos apoios e que a administración que nos creou non cre en nós.
RESISTIR pasa tamén por autoavaliarnos. Analizarmos o traballo feito e aprender dos erros, elaborar críticas construtivas sobre todo o labor normalizador dos últimos anos, e enfocar ben o futuro.
RESISTIR tamén significa non abandonar, non darlle a batalla gañada, iso é o que pretenden, o que lles gustaría, o que están desexando... que nos rindamos, mais non llelo imos poñer tan fácil. Comezamos a sementeira e agora debemos traballar para nun futuro apañar.
Con todo, non buscamos sermos mártires da causa, só esperamos MANTER O ALENTO e ir poñendo o noso gran de area, máis grande ou máis pequeno, co fin de pretender librar a lingua galega dos prexuízos de sempre, da marxinalidade, da escuridade…
Porque RESISTIR ten que ser AVANZAR, apoiármonos uns nos outros, axudármonos, compartirmos e andar. Por iso é moi importante seguirmos tecendo a rede da Coordinadora.
Moitos comezaron a batalla da normalización no ensino hai moito tempo e resistiron ata agora. Outros fómonos sumando máis tarde. E cómpre seguir. Os equipos levamos sementando desde hai 20 anos e moita semente foi prendendo. Se non prendese, non pretenderían queimala. Todo o que se semente de novo desde os equipos e desde a Coordinadora Galega de ENDL será futuro para o galego, será
Porque está en xogo o esforzo enorme e a esperanza de toda a xente que loitou pola normalización da lingua no ensino hai 20 e mesmo 30 anos. A xeración de Agustín Fernández Paz, a quen homenaxeamos no acto de xuño pasado, non puido traballar en balde. Está o esforzo, a esperanza e a ilusión de quen botou a andar as coordinadoras comarcais ou dos que o tentaron, con maior ou menor éxito. O esforzo enorme de Xabier no Salnés, de Xepe en Santiago, de Beatriz no Carballiño, de Ánxeles na Mariña, de Paco na Terra de Melide, de Luísa na Coruña, de Xan e Ana nas Terras de Umia, de Ana en Bergantiños, de Manuel en Verín, de Nito en Pontevedra, de Albina no Baixo Miño, de Mabel en Vigo, de Xoán Carlos en Celanova, de Teresa da Terra de Soneira, de Sabela en Quiroga, de Pilar e de todos os que foron mantendo a Coordinadora Leixaprén e de moitos máis…
Con máis ou menos éxito, o esforzo fíxose e a batalla deuse. Reunións fóra de horario nas comarcas, organización de actividades nos centros e nas comarcas, reunións do consello zonal en sábado pola mañá en Compostela… Temos esperanza no futuro do galego e este depende de nós.
RESISTIR significa ILUSIONARNOS, porque tanta resistencia non é posible sen ilusión.
Mirar para atrás para o inxente labor xa feito nestes 20 anos dos equipos e nos dous da coordinadora e ILUSIONARNOS.
ILUSIONARNOS co reto que temos no noso alumnado: o do rural que debe manter a súa lingua e o do urbano que debe achegarse ao galego e adquirir competencias.
ILUSIONARNOS co reto que temos no profesorado e nas familias ao que temos que gañar para unha causa xusta como é a da defensa da nosa lingua.
ILUSIONARNOS con que o galego non sexa unha anécdota na rúa Príncipe de Vigo ou nos Cantóns da Coruña. Ilusionarnos con que o galego siga tendo a mesma presenza en Cospeito, Forcarei ou Trives, mais coa cabeza ben erguida.
ILUSIONARNOS e NON DESALENTAR. Se realmente queremos que a situación do galego no ensino e na sociedade mude, facemos falta todas e todos arredor deste proxecto, fai falta o traballo de todo o mundo. Temos que organizar moitas cousas que algunha, seguro, que nos ha de saír ben.
ILUSIONARNOS mesmo co baile que lle temos que botar á negra sombra.
Á negra sombra que pretende silenciar o noso traballo e que non quere que se saiba que onte organizamos unha videoconferencia reivindicando que o galego tamén vale para a ciencia e nela participaron 6000 alumnos e alumnas de secundaria e 4000 de primaria.
Á negra sombra da administración que pretende afogarnos atacando todo aquilo que nós defendemos.
Á negra sombra do desánimo de compañeiros e compañeiras.
Á negra sombra do cansazo dos membros e coordinadores/as de equipos
Á negra sombra do alumnado e das familias que creron o discurso negacionista imperante.
Porque somos a coordinadora da resistencia, da ilusión, do orgullo do noso e do orgullo do galego. Por iso, desde a pluralidade, imos sumar vontades e esforzos para
IES As Fontiñas
Santiago de Compostela, 5 de novembro de 2011
esperanza. normalizar, dinamizando, o galego no ensino e na sociedade. En positivo, construíndo futuro para a nosa lingua e transformando a indignación colectiva en creatividade, en ilusión e en esperanza.

Valentina Formoso Gosende
Coordinadora Xeral

xoves, 10 de novembro de 2011

Valentina Formoso: “É tempo de resistir fronte aos que pretenden a eliminación da nosa lingua"

A Coordinadora Galega de Equipos de Normalización e Dinamización Lingüística elixiu nova directiva esta pasada fin de semana co obxectivo de proxectar o seu discurso fora dos centros escolares.

"Esta III Asemblea Xeral serviunos para consolidar a nosa organización, de dar un salto cara a proxectar o noso labor fóra dos límites dos centros do ensino neste momento de regresión do uso da lingua nos centros de ensino, regresión que mesmo se promove dende a propia administración”. Así de contundente se amosou Valentina Formoso Gosende, reelixida coordinadora xeral dos equipos de Normalización Lingüística.

A III Asemblea Xeral da Coordinadora Galega de Equipos de Normalización e Dinamización Lingüística celebrada esta fin de semana en Compostela tamén renovou ao 40% dos seus membros. No decurso desta asemblea, a Coordinadora Galega de Equipos de Normalización e Dinamización Lingüística realizou unha actualización dos seus textos estatutarios para permitir "unha mellor concreción" do seu labor do día a día nos centros de ensino.

Ademais, presentouse o plano de traballo para o vindeiro curso e os obxectivos para os dous seguintes, que terán coma principal finalidade contribuír a xerar un discurso "normalizador plural e integrador" que chegue a todos os sectores da sociedade galega. Ademais, os equipos de NDL tamén tentarán defender o uso e a normalización do galego máis alá das aulas.

CRITERIOS DE LINGUAXE NON SEXISTA

Abrindo as cancelas do falar: Criterios de linguaxe non sexista


A linguaxe combina un carácter construído, non arbitrario, cunha viva capacidade de construción: imaxinamos a realidade mediante o filtro das representacións lingüísticas. Pero... que imaxe proporciona o periscopio das palabras? É quen de espellar unha realidade plural ou pode prender en usos que, malia seren correctos gramaticalmente, non nos debuxan ben?

O branco de todas as cuestións anteriores son as propostas dun uso non sexista da linguaxe. O tema, tratado con atención unhas veces e depreciado outras tantas na esfera pública, centra unha nova e breve publicación da USC, froito da colaboración da Área de Asesoramento Lingüístico do Servizo de Normalización Lingüística e da Oficina de Igualdade de Xénero: Criterios de linguaxe non sexista. Por máis que unha ollada redutora traduza linguaxe non sexista en regueiros ridículos de barras, arrobas, dobres flexións e concordancias, as razóns base desta achega nunca son menores:  visibilizar o 50 % da poboación e gañar precisión e exactitude cognitiva.

A Universidade, terreo de xogo desta iniciativa, preséntasenos como un espazo no que resulta imposíbel virarlle as costas a este tipo de usos. Dunha banda, está a innegábel presenza da muller na institución académica e doutra, as esixencias mesmas da vehiculación do coñecemento: unha linguaxe científica esixe o máximo rigor, sen ambigüidade.

O documento Criterios de linguaxe non sexista pretende ser unha guía práctica, unha base manexable e coherente, na liña de moitas das consultas que chegan a un SNL ou que se atoan na recámara das dúbidas de calquera falante. Talvez semelle un xeito de organizar respostas básicas, e abofé ten pretensión de limiar, de chanzo primeiro á reflexión para un público diverso. Debido ao seu carácter iniciático, realiza unha sucinta división de criterios aplicábeis segundo tipos de texto, ao tempo que deixa libre o camiño ao emprego doutro tipo de solucións e métodos.

Outro portelo aberto é o da difusión, xa que os Criterios de linguaxe non sexista optan por unha licenza copyleft, que permita ao documento saír dos vieiros tradicionais deste tipo de produtos, e posibilite a distribución de copias, versións...

Só peneirando as palabras en común, abriremos a cancela que comunica os cambios lingüísticos cos cambios sociais. Moita enerxía para cribar as escollas en prol dunha boa sementeira!
 

ALBA CID FERNÁNDEZ

BASES DO XX CERTAME LITERARIO A PIPA DE BECERREÁ

Como defenderes os teus dereitos lingüísticos

«Cada decisión que tomamos no presente modifica os futuros posibles». Tal paráfrase de Einstein podería ser o leit-motiv que levou a Carlos Callón, presidente d'A Mesa pola Normalización Lingüística, a escribir este manual da auto-axuda, Como defenderes os teus dereitos lingüísticos, editado por Xerais.

Malia que a situación da lingua galega amosa síntomas preocupantes, pois leva séculos sufrindo  perda de falantes, que se acelerou nas últimas décadas, e non goza de protección xurídica e institucional abonda, na opinión de Callón existe un aspecto positivo que convén ter moi en conta: «nunca antes existiu unha comunidade lingüística galega tan dinámica e con tal grao de consciencia dos seus dereitos». É a esta minoría social, preocupada e concienciada, á que se dirixe o autor fundamentalmente: ás persoas que teñan suficiente motivación como para exerceren os seus dereitos lingüísticos.

Escriturar un ben, facer testamento, escolarizar as fillas, poñer nome, consumir produtos, solicitar facturas, acudir ao médico, cubrir un formulario electrónico dunha administración, traballar, utilizar un servizo municipal... A cotío vivimos infinidade de situacións en que o galego semella non existir; e deixará de existir, en efecto, se nós, as persoas concienciadas e comprometidas co noso idioma non o reivindicamos. «O non xa o temos, mais o si aínda podemos conquistalo. Pidamos o galego alí onde non nolo ofrezan. Procuremos sempre a empatía da persoa que nos atenda, mais nunca deixemos pasar calquera xestión da nosa vida sen o dicirmos: Por favor, podería ser en galego? Sorprenderémonos. (...) Non ocultemos que queremos vivir en galego.»
Como sostén Callón, a falta do galego en moitas situacións habituais non se debe tanto ao rexeitamento como á inercia e á ignorancia, tanto dos nosos interlocutores como, en moitas ocasións, propia nosa. Este manual pretende alumar o camiño da acción individual, tan necesaria para a vixencia do idioma propio de Galicia. Por unha banda, ofrece argumentos e datos en que apoiar as nosas demandas; por outra, aconsella técnicas para facelo con asertividade, é dicir, sen empregar unha conduta aversiva para os demais, e obtendo, polo tanto, un autorreforzo. Son variadas as anécdotas, tanto propias do autor como doutras persoas, que ilustran esta liña de actuación e que serven, ademais, para que o libriño, xa de por si didáctico, deveña entretido e, mesmo, divertido.

Cada logro e avance do galego houbo que pelexalo a pulso. E nesas seguimos. Velaquí, logo, unha axudiña... para o pulso.

M ISABEL VAQUERO QUINTELA
Luns, 07 de novembro de 2011

III Xornadas «Educación e linguas en Galicia»

Aínda que os estudos sociolingüísticos realizados nos pasados anos 90 parecían presaxiar a paseniña desaparición das actitudes negativas cara á nosa lingua, o certo é que estudos posteriores, máis cualitativos, como O galego segundo a mocidade ou Falar galego, no veo por qué, alertaron da fortaleza dos vellos e novos prexuízos lingüísticos como a asociación entre galego e atraso, galego e política ou políticas normalizadoras e imposición. Os resultados dos estudos víronse desgraciadamente confirmados nos últimos anos coa aparición de grupúsculos que atoparon amplo eco nos medios de comunicación e nos partidos políticos, e demóstranse acotío en declaracións realizadas a bombo e prato.
A este clima prexuizoso non é alleo o mundo da educación e todos os axentes que nel interactúan: alumnado, profesorado, nais e pais... Malamente os docentes de infantil, primaria e secundaria van poder reconducir este tipo de actitudes e desactivar prexuízos con argumentos e con experiencias  motivadoras nos rapaces e rapazas (un dos obxectivos actitudinais destes niveis de ensino), se tamén as padecen.
Precisamente este é o obxectivo central destas III Xornadas «Educación e linguas en Galicia»: aprender a localizar as ideas preconcibidas negativas que poidamos ter sobre os falantes da nosa lingua (de calquera lingua) e adquirir argumentos e ideas para poder axudar a reconducilas.

Para ver máis pincha no título.

mércores, 9 de novembro de 2011

VIDEOMATÓN DA LINGUA

TRES HISTORIAS PARA VER.... E APRENDER

Velaquí tres fermosas curtas de animación para gozar e traballar nas escolas infantís ou en familia: Os sete cabritos, A pota que trota e Fiz, o coleccionista de medos. A Secretaría Xeral de Política Lingüística anima o profesorado a utilizalos xunto coas propostas didácticas que os acompañan. E os pais e nais, a gozar deles cos seus pequenos.
Estes audiovisuais, desenvolvidos por OQO Editora, foron enviados recentemente en formato DVD a todos os centros educativos de Galicia que imparten educación infantil.

SECRETARÍA XERAL DE POLÍTICA LINGÜÍSTICA

domingo, 6 de novembro de 2011

E CO OUTONO CHEGA O MAGOSTO

CONTOS EN VIDEO EN GALEGO

O SAPO E A RAPOSA

A PANCARTA DA POLÉMICA E CENSURA DO BLOGUE DO CAMPOLONGO

EFECTO DOMINÓ EN TEMAS DE CENSURA

A LINGUA GALEGA SABE A PAN

http://vimeo.com/31535420

TABOLEIRO ANTES E DESPOIS DA CENSURA. CEIP CAMPOLONGO.

COÑECE A CGENDL EN CINCO MINUTOS

RECURSOS NA REDE PARA A IMPARTICIÓN DA DOCENCIA EN GALEGO

http://www.coordinadoraendl.org/entrada.php?paxina=arqweb/recursos/recursos.php

ADSCRICIÓN A CGENDL

Nesta nova xeira e cos tempos que corren é mester que @s docentes esteamos unid@s na defensa dos nosos intereses e da nosa lingua, por iso, animámosvos a adscribirvos ás Coordinadoras de Vigo e bisbarra e á nacional. Xunt@s podemos!
http://cedlgdevigoebisbarra.blogspot.com/
http://www.coordinadoraendl.org/entrada.php?paxina=arqweb/coordinadora/coorzonamem.php

DÍA DA CIENCIA EN GALEGO

Co gallo da celebración do II Día da Ciencia en Galego o pasado venres 4 de novembro, a Coordinadora Galega de ENDL convidou a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegaron temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que participaron tiveron a posibilidade de interaccionar con eles vía chat a través dunha sala virtual de fácil manexo.
Aquí vos deixo toda a información.

http://www.coordinadoraendl.org/entrada.php?paxina=cienciaengalego/2011/videoconferencias.php

OBRADOIROS DE LITERATURA MEDIEVAL

Os Obradoiros de literatura medieval leváronse a cabo por distintos centros de Vigo, promovidos polo ENL do Concello de Vigo e consisten no desenvolvemento do Canto de amiga cunha breve e didáctica exposión da historia de Galicia até o período medieval. É un achegamento á lírica medieval galego-portuguesa, a súa calidade e a súa actualidade na Galicia do s. XXI, unha clase didáctica donde os rapaces e rapazas da ESO se achegan á nosa literatura e á nosa historia dunha maneira lúdica, e un xeito moi axeitado de acercalos á didáctica da estructura das cantigas: leixaprén, refrán, composición, estructura rítmica....
Para tod@s aquel@s que non tiveron oportunidade de participar, e para os centros que desexen levar a cabo esta actividade, déixovos o enderezo da persoa que os imparte, son obradoiros de dúas horas de duración e millor que tres leccións maxistrais sobre literatura medieval.

martes, 25 de outubro de 2011

MADE IN GALIZA

Aquí vos deixo o último de Séchu Sende " Made in Galiza". Espero que vos sexa de utilidade!

E unha maneira complementaria de explicar parte do programa de sociolingüística de 2.º de Bacharelato. Nos apartados titulados  pouquiño sobre a conveniencia ou non do seu uso na clase. Evidentemente a guía pode ser utilizada con outros cursos da ESO ou de 1 .º de Bacharelato en caso de que se recomende a lectura do libro ou para facilitar a comprensión dos conceptos de sociolingüística incluídos no programa de cada curso. Xa que logo esta guía, ademais de servir como apoio á lectura de didáctico para fomentar o debate sobre as actitudes e os comportamentos ante a lingua galega entre o alumnado. Así mesmo recomendamos a lectura de  in Galiza  por Séchu Sende son realidades cotiás na nosa sociedade e son ideais para provocar nos asistentes aos cursos unha fonda reflexión sobre a actitude de cadaquén ante a situación da lingua galega. Algo moi necesario para que cada cidadán libremente tome consciencia e decida a súa posición ante a responsabilidade que temos de conservar e transmitir un ben colectivo como é a lingua galega.

domingo, 23 de outubro de 2011

FALEMOS GALEGO XA!

CANTIGA DE AMIGO

MÁIS CANTIGAS DA LÍRICA GALAICO-PORTUGUESA

CANTIGA DE MAIO: O QUE NA GUERRA LEVOU CAVALEIROS

LÍRICA GALEGO-PORTUGUESA: AI FLORES DO VERDE PINHO

ONDAS DO MAR DE VIGO. VOZ DE MULLER.

ONDAS DO MAR DE VIGO

CÁLCULOS NUNHA CRISE. NLCAMPOLONGO

PRIMEIRO DANCHE PREMIOS E LOGO CHÁMANCHE XABARDO. NLCAMPOLONGO.

venres, 21 de outubro de 2011

Páxina no Facebook da Cgendl: Coordinadora galega de equipos de normalización e dinamización lingüística.

PROPOSTA PARA AS DERRADEIRAS VONTADES: CEIP CAMPOLONGO

SAMAÍN: A NOITE DE UNIÓN DOS DOUS MUNDOS

Texto por Bea Cornide
Son moitas as manifestacións que se estiman como anuncios de morte: o canto do moucho ao lado da casa, o do corvo e o seu voo, o canto da curuxa, o ouveo dun can, o canto do galo á hora de ir ao galiñeiro, o repenicar coincidente das campás en varias parroquias á mesma hora, notar olor a incenso e o olor forte a aceite durante a tarde ou a noite. Tamén o son que se apague un cirio aceso nun funeral ou notar olor a cera nun cruce de camiños. Porén, a máis coñecida é a aparición da Santa Compaña.
Segundo a tradición galega, a Santa Compaña é unha procesión de almas en pena vestidas con túnicas negras con capucha que parten dunha igrexa cada noite sobre as doce para reclamar as almas dos que van morrer pronto. Esta procesión fantasmal está formada por dúas filas, cada espectro leva unha candea acesa e o seu paso deixa un olor a cera no aire. As candeas que levan non hai quen as apague, xa que son ósos de defuntos. Son un mínimo de cinco que portan a cruz, o estandarte, o caldeiro con auga bendita, o farol e por último a campá. Diante da Compaña vai un cristián acompañándoa e portando unha cruz que, para se librar dela, debe esperar a que outro cristián se cruce no seu camiño; daquela entregaralle a este a cruz que levará durante o resto da súa vida, de non ser que se cruce con outro mortal.
É unha crenza xeral que os que van na Compaña solo van en espírito, o seu corpo queda na cama e non responderá aínda que o chamen. Quen realiza esa función non recordará durante o día o transcorrido na noite. Unicamente se poderá recoñecer ás persoas penadas con ese castigo pola súa estrema delgadeza e palidez. Cada noite a luz da procesión será máis intensa e cada día a palidez será maior. Non lles está permitido descansar ningunha noite, polo que a saúde irá debilitándose ata enfermar sen que ninguén saiba as causas de tan misterioso mal. Condenados a vagar noite tras noite ata que morran ou se atopen con algún incauto ao que cambiarlle o papel.
Camiñan rezando case sempre un rosario, cánticos fúnebres e tocando unha pequena campá. Ao seu paso cesan todos os ruídos dos animais do bosque. É unha crenza xeral que os animais a ven, por iso que os cabalos ou as vacas se asusten pola noite sen motivos é un indicio de que está cerca. Os cans anuncian a súa chegada ouveando de forma desmedida e os gatos escapan espantados.
Quen presencie o paso da Compaña poderá coñecer quen vai morrer porque estará situado detrás do ataúde e coa vela máis pequena da procesión. Se llo conta ao interesado, este vivirá bastantes anos máis.
Non todos os mortais teñen a facultade de ver cos ollos a Santa Compaña, só certos dotados teñen a facultade de vela, entre eles os nenos aos que o sacerdote bautizou por erro usando os santos óleos dos defuntos, posuirán de adultos o don de ver a aparición. Os demais deberán conformarse con sentila ou intuíla.
Para liberarse da obriga de acompañar a Santa Compaña hai moitos modos, o mais estendido é que quen a vexa debe trazar un círculo no chan e meterse dentro del, e para que sexa máis eficaz debe facerse cunha pola de oliveira. Outras veces dentro do círculo debúxase dentro del unha estrela salomónica. Tamén se recomenda apartarse do seu camiño e facer que non está; se non se aparta un ben e lle poñen unha vela na man, estará obrigado a acompañalos; por iso cómpre levar as mans pechadas e rezar un “Nosopai” polas almas ou ben levar os brazos cruzados.
Outras técnicas para liberarse da obriga é rezar e intentar non oír nada, subirse ao pedestal dun cruceiro, tirarse boca abaixo e esperar sen moverse aínda que lle pase a comitiva por riba, levar encima escapularios, cruces, allos ou castañas de indias.
Tamén se di que a Santa Compaña pode ofrecer unha suculenta mesa a quen a atope. Á persoa que probe estes alimentos levaraa con ela. É preciso negarse a comer desta mesa, porén é obrigatorio comer do que un leve ou facer que come, sempre que o leve gardado no peto. Desa maneira déixano marchar. Por iso se recomendaba levar sempre algo de pan no peto aínda que fosen faragullas.
Pódese aparecer en diferentes lugares, pero predominan os cruzamentos de camiño. Hai datas concretas nas que se di que hai máis aparicións coma por exemplo a Noite de Todos os Santos (entre o 1 e o 2 de novembro) ou a noite de San Xoán (24 de Xuño)
A influencia da cultura céltica sobre a poboación galaica debeu ser moi importante, e isto pode explicar por que existen na actualidade no noso folclore lendas ou crenzas que cadran coas dos países célticos. A Santa Compaña galega é moi similar á “Fairy Host” irlandesa, a “Sluagh” de Escocia ou ao “Toili” de Gales. Ramón Otero Pedrayo falaba das fadas e dos defuntos que no tempo do Samaín, en Irlanda, bebían nas fontes do esquecemento…

O SAMAÍN

Texto por Bea Cornide

cabaza de samain
A noite do 31 de outubro comeza o ano novo celta e a súa festa en honor aos defuntos, marcando a transición do outono ao inverno nesa noite. Os celtas crían na inmortalidade das almas e tiñan unha preocupación especial polos queridos defuntos expostos ao frío, a escuridade do inverno, a intemperie e a tristura dos camposantos. A noite do Samaín foi habitualmente descrita coma unha comuñón cos espíritos dos defuntos que, nesa data, terían autorización para camiñar entre os vivos. Abríanse as portas entre este mundo e o do alén, dándolle a xente a posibilidade de reunirse cos seus antepasados mortos. Esa noite non se saía da comunidade, reuníanse todos os veciños ao redor dunha cacharela e prendían un lume sagrado de pólas de teixo, coas que serían alimentadas as lareiras de todas as casas, despois preparaban alimentos e agasallos para os que os parentes finados puidesen volver visitar as súas vellas casas, comer nas mesas e quentarse ao carón do lume da lareira.
A festividade duraba unha semana e finalizaba coa festa dos mortos, e con ela comezaba o ano novo celta. Esta festa era unha das máis importantes, xa que celebraban a comuñón do que sería para nós o “ceo e a terra”. Para eles o lugar dos mortos era un lugar de felicidade perfecta na que non existen nin a fame nin a dor. Os celtas celebraban esta festa cos ritos nos que os druídas facían de médium e se comunicaban cos seus antepasados esperando seren guiados nesta vida cara á inmortal.

CRISTIANIZACIÓN DA FESTA
Como ocorreu con moitas outras, para poder perdurar tivo que cristianizarse. Ao longo do tempo a Igrexa foi modificando esta celebración, dedicaban ese día a “Todos os Mártires” xa que a festividade de “Todos os Santos”, en memoria dos santos anónimos, era o 13 de maio ata que no s. XVIII a cambiaron para o 1 de novembro. No s. IX ordenouse que a festa a Todos os Santos se celebrara universalmente e que o día anterior fose un día de vixilia para preparar a festa que resultou coincidir coa celebración pagá do Samaín o 31 de outubro (agora chamado Halloween, nome que provén da frase “All hallow´s Eve” ou “véspera de Todos os Santos” entre os anglosaxóns, que nada ten que ver coa festa cristiá de Todos os Santos)

MANIFESTACIÓNS DO SAMAÍN EN GALICIA
Segundo as nosas vellas tradicións, as almas viñan á terra no Día de Defuntos con moi diversas fins. Por iso nuns lugares púñanlles de comer, para que non pasasen fame; noutros botaban ese día un gran pau ao lume, para que se quentasen no caso de ter frío; noutros era considerado pecado varrer pola noite a cociña porque se lles daba para atrás, impedíndolles que se acheguen á lareira; e noutros tense por acción inhumana pechar de golpe as cancelas ou portelos, porque se mancaban.
Era habitual neste día coller cabazas, tallalas cunhas caras feroces e deixalas nos camiños para asustar os camiñantes ou deixalas na porta da casa cun anaco de pan e facer colares con castañas novas. En Quiroga (Lugo) é tradicional secar a cabaza tallada e conservala para usar de máscara polo Entroido.
En Galicia tamén é tradicional neste día celebrar o Magosto.
Este costume coincide co antigo celta do Samaín, no que eran os cranios dos inimigos os que brillaban na escuridade con candeas no seu interior.

CLUBE DE DEBATE. Bases certame de debate.