mércores, 3 de maio de 2017

ACTIVIDADE RECURSOS NATURAIS

A Concellaría de Normalización Lingüística e a Escola de Enxeñaría de Minas e Enerxía
da UVigo propoñen esta actividade para o
alumnado de 4.º de ESO e 1.º, 2.º de Bacharelato do Concello de Vigo.
Actividade Día Hora
entrada
Hora
comezo
Hora saída
(aprox.)
Recursos Naturais de
Galicia
(charla + exposición)
venres, 19 de maio 10:00 10:15 12:00

Obxectivo:
Coñecer a riqueza dos recursos naturais dos que dispón Galicia. Así, destáncanse fontes de enerxía
alternativas como a enerxía hidráulica, eólica, xeotérmica, solar e a obtida da queima de biomasa; e fontes
de riqueza mineral en Galicia como son o granito, os áridos para a construción, a lousa e as augas minerais.
Preséntase como é o seu aproveitamente actual e que ferramentas úsanse para a súa exploración,
explotación, elaboración, transformación e utilización, actividades todas elas que han de levarse a cabo de
forma segura, rendible e ambientalmente aceptable.
Por último, móstranse os aspectos ambientais na explotación dos recursos e outras actuacións que deben
levarse a cabo para restaurar os espazos afectados no momento que cese a actividade.
Programa:
- Exposición de carácter didáctico na que se amosan os principais “Recursos Naturais de Galicia”
- Charlas: Recursos minerais de Galicia
Recursos enerxéticos de Galicia
Técnicas para a xestión de recursos (láser, termografía, drones...)
Explosivos e recuepración de espazos mineiros
A actividade terá lugar no Auditorio municipal situado na praza do Rei, núm. 1.

IMPORTANTE: O transporte do alumnado vai pola conta do centro escolar.É necesario indicar o número de alumnos/as e o número de profesores/as
que vai asistir.
Cada centro poderá reservar una máximo de 50 prazas (máis o profesorado).
COMO SOLICITAR A ACTIVIDADE
Deberá chamar ao teléfono 986 81 02 81 de 13:00 a 14:00 a partir
do martes 9 de maio (inclusive).

UNHA LECCIÓN DE CINE, 5º E 6º DE PRIMARIA

"Unha lección de cine" regresa outro ano máis e propón este filme, para o alumnado de 5.º e 6.º de primaria do Concello de Vigo.
Esta actividade conta coa colaboración da Axencia Galega das Industrias Culturais.

Título
Días de proxección
Hora entrada
Hora comezo
Hora saída (aprox.)
O soño dunha noite de San Xoán
martes, 23 de maio
e
mércores, 24 de maio
10:00
10:15
12:45
Sipnose:
Din as lendas que unha noite ao ano, no San Xoán, os humanos poden acceder ao Mundo Máxico. Elena, intelixente pero pouco soñadora, non cre nos contos. Pero cando enferma o seu pai, o duque Teseo, ela está disposta a calquera cousa para lle devolver a ilusión. Mesmo ir na procura de Titania, a raíña das fadas. Sen embargo, o Mundo Máxico xa non é o que era, pois mal gobérnao o rei oberón, que comercia cos feitizos axudado polo trasno Perecho. Duración: 98 min

Está baseada na obra de W. Shakespeare O soño dunha noite de verán

Recomendamos consultar a web www.galiciaencantada.com, relacionada con esta temática.

As películas serán proxectadas no Auditorio municipal situado na praza do Rei, núm. 1.

IMPORTANTE: O transporte do alumnado vai pola conta do centro escolar.

É necesario indicar o número de alumnos/as e o número de profesores/as que vai asistir.
Cada centro poderá reservar una máximo de 50 prazas (máis o profesorado).

Aos centros que asistan enviarémoslles a unidade didáctica do filme para traballar na aula.

COMO SOLICITAR A ACTIVIDADE
Deberá chamar ao teléfono 986 81 02 81 de 13:00 a 14:00 a partir do 8 de maio (inclusive).


luns, 24 de abril de 2017

UNHA LECCIÓN DE CINE, 1º E 2º DE PRIMARIA


"Unha lección de cine" regresa outro ano máis e propón este filme, para o alumnado de 1.º e 2.º de primaria do Concello de Vigo.
 Esta actividade conta coa colaboración da Axencia Galega das Industrias Culturais.

Pinocchio 3000 luns, 15 de maio e martes, 16 de maio 10:15 10:30 12:00 Sipnose: Ano 3000. Geppetto é un xenial inventor da cidade de Scamboville crea a Pinocchio: un pequeno robot, coa personalidade dun neno. Pinocchio, alegre, imaxinativo, curioso mais tamén testán e inocente está disposto a calquera cousa para conseguir o seu soño: converterse nun neno de verdade. O malvado alcalde Scamboli, inimigo de Gepetto, cre que as cativas e cativos perturban a orde da súa perfecta tecnocidade e pretende encerralos todos nun parque de atraccións. Duración: 88 min Longametraxe de animación por ordenador que adapta libremente o relato Le avventure di Pinocchio. Storia di un burattino de Carlo Collodi (1881).
As películas serán proxectadas no Auditorio municipal situado na praza do Rei, núm. 1.

IMPORTANTE: O transporte do alumnado vai pola conta do centro escolar. É necesario indicar o número de alumnos/as e o número de profesores/as que vai asistir. Cada centro poderá reservar una máximo de 50 prazas (máis o profesorado). Aos centros que asistan enviarémoslles a unidade didáctica do filme para traballar na aula.
 COMO SOLICITAR A ACTIVIDADE
Deberá chamar ao teléfono 986 81 02 81 de 13:00 a 14:00 a partir do martes 2 de maio (inclusive).

ACTIVIDADE " MAGAS" PARA 5º E 6º DE PRIMARIA. FICHA DE INSCRICIÓN



CURSO DE ESCRITURA CREATIVA PARA ADULTOS Obradoiro literario “Aliteraclara”

CURSO DE ESCRITURA CREATIVA PARA ADULTOS
Obradoiro literario “Aliteraclara” 
Organizado pola Concellaría de Normalización Lingüística e impartido pola escritora Clara do Roxo

 Coñeceremos os elementos para dar forma ao texto.
  Utilizaremos pequenos textos de autoras e autores de estilos diferentes para facer unha lectura crítica sobre eles.
  Elaboraremos textos literarios propios en cada sesión.
 Aprenderemos a crear personaxes e situacións literarias.
  Faremos un exercicio de síntese, aprenderemos a desprendernos do que sobra no texto unha e outra vez ate atopar a verdadeira esencia da escrita.

 Información en 696 15 42 03 DATAS: nivel 1: 8, 15, 22, 29 de maio de 2017 nivel 2: 5, 12, 19, 26 de xuño de 2017 (para facer o nivel 2, é obrigatorio ter feito o nivel 1)

HORARIO: de 18:30 a 21:00 LUGAR: Oficina Municipal de Distrito de Casco Vello (rúa Oliva, 12) {Espazo cedido gratuitamente polo Concello de Vigo coa colaboración da Concellaría de Participación Cidadá}

Para se inscribir deben enviar os seus datos (nome completo, teléfono, DNI e datas nas que fixo o nivel 1) ao correo electrónico claradoroxo@gmail.com

Obradoiro de contaminación luminosa na EOI de Vigo. 27/04/2017

Obradoiro de contaminación luminosa na EOI de Vigo. 27/04/2017

O 27 de abril, ás 20.:30, estaremos na Escola Oficial de Idiomas (EOI) de Vigo (sede central en Martínez Garrido) cun obradoiro sobre contaminación luminosa en colaboración co Equipo de Dinamización Lingüística.
Neste obradoiro falaremos de astronomía (identificación de estrelas e constelacións) e de como medir a contaminación luminosa contando estrelas e tamén doutros tipos de medida e da súa interpretació. Falaremos de proxectos internacionais e de como participar neles. Faremos diferentes xogos para aprender as causas e consecuencias da contaminación luminosa. Ao remate todos os asistentes serán capaces de recoñecer a contaminación luminosa, de medila e de saber de que forma hai que iluminar en cada momento para facelo correctamente.
Esperámosvos na EOI de Vigo. O obradoiro é de balde pero convén inscribirse en calidadedoceo@gmail.com, en eoi.vigo.edl@gmail.com ou na conserxería do centro.

Equipo de Dinamización Lingüística
Escola Oficial de Idiomas de Vigo

luns, 3 de abril de 2017

UNHA LECCIÓN DE CINE

"Unha lección de cine" regresa outro ano máis e propón estes filmes, para o alumnado de ESO do Concello de Vigo.
Esta actividade conta coa colaboración da Axencia Galega das Industrias Culturais.

FILMES
18 comidas martes, 25 de abril  de 10:00, ( entrada)  a 12:45, aprox.
Heroína mércores, 26 de abril de 10:00 a 12:45 aprox.
Aos centros que asistan enviarémoslles a unidade didáctica do filme para traballar na aula.
Haberá un cinefórum ao rematar a película.
As películas serán proxectadas no Auditorio municipal situado na praza do Rei, núm. 1.

IMPORTANTE: O transporte do alumnado vai pola conta do centro escolar.
É necesario indicar o número de alumnos/as e o número de profesores/as que vai asistir.
Cada centro poderá reservar una máximo de 50 prazas (máis o profesorado).

COMO SOLICITAR A ACTIVIDADE
Deberá chamar ao teléfono 986 81 02 81 de 13:00 a 14:00 a partir do xoves 6 de abril (inclusive).

Normalización Lingüística / Praza do Rei, 1 -36202 -Vigo- / Telf.: 986 81 02 81 / Fax: 986 61 63 64
Correo: ofi.normalizacion@vigo.org / http://snl.vigo.org / facebook: vigo en galego

venres, 31 de marzo de 2017

mércores, 22 de marzo de 2017

CURSO DE ACHEGAMENTO Á LINGUA GALEGA NIVEL 0


PRAZAS VACANTES: BIBLIOTECAS VIVENTES


A Concellería de NL, a través do Servizo de Normalización Lingüística do Concello de
Vigo, oferta unha actividade dinamizadora do galego dirixida á poboación escolar.
- Bibliotecas Viventes “O galego dá xogo”
Unha Biblioteca Vivente é unha biblioteca na que os libros son persoas; persoas con
historias singulares, coñecementos e experiencias sobranceiras en determinados
campos. A intención desta actividade, desta Biblioteca Vivente, é evidenciar a existencia
de prexuízos lingüísticos para poder rachar con eles, dignificar a nosa lingua e fomentar
o seu uso entre a mocidade.
Datas: 5 (mércores) e 6 (xoves) de abril
Horario: hai que escoller un horario, 1 sesión por centro de ensino
de 10:00 a 11:40
de 12:00 a 13:40
Dirixido a: alumnado 4.º ESO e Bacharelato
Número de participantes: máximo 72 en cada sesión
Lugar de realización da actividade: no pavillón das Travesas (Avda. Castrelos, 1)
IMPORTANTE: O transporte do alumnado ao pavillón das Travesas vai pola
conta do centro escolar
Os datos que se van pedir cando chamen por teléfono para solicitar a actividade son:
1.- número exacto de alumnos/as
2.- centro escolar
3.- persoa de contacto para esta actividade e correo electrónico desta persoa de
contacto
4.- teléfono de contacto
PRAZAS VACANTES

Día 5 (mércores) de abril de 12:00 a 13:40
15 prazas vacantes

Día 6 (xoves) de 12:00 a 13:40
12 prazas vacantes

 De estar interesados, deben charmar ao teléfono 986 81 02 81 para facer a reserva

Todos os datos sobre a actividade na ficha que está ARRIBA.

luns, 13 de marzo de 2017

ACTIVIDADE DE NORMALIZACIÓN PARA PRIMARIA MAGAS

As concellarías de Igualdade e Normalización Lingüística dirixímoslle ao alumnado de Primaria unha nova actividade: MaGas.
Queremos achegarlle mulleres senlleiras en diferentes ámbitos artísticos, científicos, laborais, deportivos... a través dunha contada, acompañada por ilustracións. Ao remate haberá unha rolda de intervencións.
Esta actividade comezou no mes de marzo, que se dedicou a Ángeles Alvariño, oceanógrafa. Agora, continuamos esta andaina coñecendo a Maruja Mallo, pintora.
Esta actividade é realizada por Polo correo do vento.
Data Alumnado Horarios (hai que escoller un horario)
4 de abril 4.º de primaria de 10:00 a 11:30, ou ben, de 12:00 a 13:30
5 de abril 5.º de primaria de 10:00 a 11:30, ou ben, de 12:00 a 13:30
A actividade terá lugar no Auditorio municipal situado na praza do Rei, núm. 1.

IMPORTANTE: O transporte do alumnado vai pola conta do centro escolar.
É necesario indicar o número de alumnos/as e o número de profesores/as que vai asistir.
Cada centro poderá reservar un máximo de 50 prazas (máis o profesorado).

IMPORTANTE: cada alumno/a debe levar libreta e lapiceiro, non se necesita goma de borrar.

COMO SOLICITAR A ACTIVIDADE
Deberá chamar ao teléfono 986 81 02 81 de 13:00 a 14:00 a partir do mércores 22 de marzo (inclusive).

1 Continuará este programa no mes de maio (días 25 e 30), no que lle dedicaremos esta actividade á investigadora e veterinaria Rebeca Atienza que traballa cos primates na selva do Congo.

venres, 10 de marzo de 2017

O Pergameo Vindel exporase finalmente no Museo do Mar

http://www.sermosgaliza.gal/articulo/cultura/pergameo-vindel-exporase-finalmente-no-museo-do-mar/20170303172653055430.html

IV Concurso de Fotografía convocado polo Museo Liste de Vigo 2017


     Bases                                                                                                  

1.  Aspectos xerais: IV convocatoria do Concurso de Fotografía convocado polo Museo Liste de Vigo co gallo da celebración do Día Internacional dos Museos, co que se pretende fomentar o coñecemento e a creatividade a través da práctica da fotografía co fin de destacar variados aspectos históricos e etnográficos da nosa cidade.
As fotografías a concurso serán valoradas atendendo, principalmente, a tres criterios:
-  Estético: valorarase a beleza da fotografía e a sensibilidade á hora de recoller certos aspectos que singularicen e dignifiquen o elemento fotografado.
-  Técnico: valoraranse aspectos puramente asociados á técnica desta arte.
-  Documental: valorarase que as fotografías presentadas acaden o valor de documento gráfico como forma de recoller e difundir coñecemento.

2.  Temática: “Arquitectura da cidade de Vigo”. O tema proposto para este ano ten a intención de recoller testemuñas arquitectónicas cos máis diversos criterios. Os participantes poderán atender a calquera aspecto arquitectónico que consideren: edificios de estilos determinados, restauracións ou rehabilitacións, feismo arquitectónico, urbanismo, arquitectura popular e construcións adxectivas,
Os elementos fotografados deberán estar presentes a día de hoxe na cidade. Han de ser fotografías actuais realizadas ex profeso para o concurso. É imprescindible que xunto cos datos do participante aparezan identificados coa súa localización os elementos fotografados.
3.  Participantes e número de obras: poderá participar todo aquel que o desexe con un número máximo de tres fotografías, se ben nunca recaerán dous premios no mesmo participante.
4.  Categorías: establécense dúas categorías de participación: 1º categoría: participantes ata 18 anos.
2º categoría: participantes a partir dos 18 anos.

5.  Premios: establécense 3 premios por categoría. Os autores das obras gañadoras recibirán unha figura conmemorativa e a exposición da súa obra durante un  período de 15 días na sede da Fundación Liste - Museo Etnográfico de Vigo.


Aínda que o concurso convócase co gallo do Día Internacional dos Museos, a entrega de premios e a inauguración da exposición das fotografías premiadas realizarase o día 17 de maio, “Día das Letras Galegas” a partir das 12:30 h. na sede do Museo por ser festivo na nosa Comunidade.

6.  Presentación das obras, identificación e envío: As fotografías serán enviadas por correo electrónico en arquivos axuntos de xeito individual (un arquivo por fotografía). O seu tamaño deberá ser de 2362 x 3543 píxeles, ou ben 20 x 30 cm. cunha resolución mínima de 300 puntos por polgada e en formato jpeg. Non se admitirán fotomontaxes.
As fotografías serán enviadas en arquivo axunto cuxo nome será o título da mesma, mentres que no texto da mensaxe especificaranse os datos do participante que deberán incluír: categoría na que participan (idade se é menor de idade); nome e apelidos do concursante; dirección postal (domicilio, código postal, poboación, provincia); dirección de correo electrónico e teléfono de contacto; título da foto e lugar de realización da mesma.
O enderezo de envío é: didactica@museoliste.org. Será enviado correo de confirmación de recepción.
Todas as obras presentadas deberán ser orixinais, inéditas e non premiadas con anterioridade en ningún concurso.
É imprescindible o cumprimento das devanditas bases.
7.  Prazo de admisión das obras: ata o 25 de abril de 2017.
8.  Selección de obras, xurado e fallo: o xurado encargado de seleccionar as obras gañadoras estará formado por expertos en fotografía, membros do padroado da Fundación Liste e persoal técnico do Museo. O fallo do xurado será comunicado aos gañadores vía telefónica e publicado na páxina web do Museo e en prensa a partir do 12 de maio de 2016.
9.  Outros:
-   Cesión dos dereitos de reprodución das fotografías gañadoras sempre que  se mencione o autor e teña como fin a divulgación e promoción cultural e, en calquera caso, sen ningún tipo de beneficio económico.
-   Os autores responsabilizaranse da autoría e orixinalidade das obras presentadas así como de que non existan dereitos de terceiros sobre as mesmas e de calquera reclamación que por dereitos de imaxe puidera formularse.
-   O feito de participar implica a aceptación íntegra das presentes bases.
-   En todo aquilo non previsto nestas bases, a Fundación Liste - Museo Etnográfico de Vigo resolverá o que proceda.

10.  Información: a través dos teléfonos 986244698 ou 986236767 e a través do enderezo didactica@museoliste.org.

BIBLIOTECAS VIVENTES: " O GALEGO DÁ XOGO"

A Concellería de NL, a través do Servizo de Normalización Lingüística do Concello de Vigo, oferta unha actividade dinamizadora do galego dirixida á poboación escolar.

- Bibliotecas Viventes “O galego dá xogo”

Unha Biblioteca Vivente é unha biblioteca na que os libros son persoas; persoas con historias singulares, coñecementos e experiencias sobranceiras en determinados campos. A intención desta actividade, desta Biblioteca Vivente, é evidenciar a existencia de prexuízos lingüísticos para poder rachar con eles, dignificar a nosa lingua e fomentar o seu uso entre a mocidade.

Datas: 5 (mércores) e 6 (xoves) de abril

Horario: hai que escoller un horario, 1 sesión por centro de ensino de 10:00 11:40  ou de 12:00 a 13:40

Dirixido a: alumnado 4.º ESO e Bacharelato 
Número de participantes: máximo 72 en cada sesión
Lugar de realización da actividade: no pavillón das Travesas (Avda. Castrelos, 1)

IMPORTANTE: O transporte do alumnado ao pavillón das Travesas vai pola conta do centro escolar

 Os datos que se van pedir cando chamen por teléfono para solicitar a actividade son:

1.-       número exacto de alumnos/as 
2.-       centro escolar
3.-       persoa de contacto para esta actividade e correo electrónico desta persoa de contacto
4.-       teléfono de contacto


 Para   solicitar   a   actividade   é   necesario   que   chamen   ao teléfono 986 81 02 81 os días 20 (luns), 21 (martes) de    marzo
de 13:00 a 14:00




Normalización Lingüística / Praza do Rei, 1 -36202 -Vigo- / Telf.: 986 81 02 81 / Fax: 986 61 63 64 Correo: ofi.normalizacion@vigo.org / http://snl.vigo.org / facebook: vigo en galego

xoves, 19 de xaneiro de 2017

CORRELINGUA: CONCURSOS


Boletín Correlingua: concursos do 2017


 

En galego, sen cancelas


Correlingua 2017: Concursos
 

Amigas e amigos:
O
prazo para inscribir os vosos centros nos concursos do Correlingua remata o MÉRCORES 1 DE FEBREIRO.
Recordade que, tal e como establecen as bases, as propostas deben ter en conta o lema deste ano:
EN GALEGO, SEN CANCELAS.
É importante que teñades en conta que tanto para o
concurso de elaboración do manifesto coma para o de banda deseñada é preferible que os grupos sexan aproximadamente de 25 alumnas e alumnos e que cada grupo debe ter un alcume.

Podedes atopar os formularios de inscrición nos seguintes enlaces:
Formulario de inscrición no manifesto:
http://www.correlingua.gal/formulario-de-inscricion-no-concurso-do-manifesto


Formulario de inscrición no concurso de vídeos:
http://www.correlingua.gal/formulario-de-inscricion-no-concurso-de-videos


Formulario de inscrición no concurso de banda deseñada:
http://www.correlingua.gal/formulario-de-inscricion-no-concurso-de-banda-desenada


Animádevos a participar co voso alumnado, entre todas e todos quitarémoslle as cancelas ao galego!
Moitas grazas pola vosa colaboración!



INSCRICIÓNS NAS CARREIRAS E FESTAS FINAIS

Para inscribir os vosos centros nunha CARREIRA E FESTA FINAL só tedes que clicar no seguinte enlace:
http://www.correlingua.gal/formulario-de-inscricion-no-correlingua


Peza gañadora do Concurso de Vídeo 2016

Recibes este correo ao subscribirte á lista do Correlingua. Grazas!
A nosa dirección de correo é correlingua@correlingua.gal

Darse de baixa nesta lista    Actualizar as preferencias da subscrición

Email Marketing Powered by MailChimp