OBRADOIRO DE REGUEIFAS

A Concellería de Normalización Lingüística, a través do Servizo de Normalización Lingüística do Concello de Vigo, oferta unha actividade dinamizadora do galego dirixida á poboación escolar.

- Obradoiros de regueifas e certame

Os obradoiros teñen a intención de ser unha porta á nosa tradición e cultura oral, pero que responden á necesidade de coñecer a rima, o ritmo, a métrica... a poesía.

Datas: os obradoiros de regueifa duran dous días, cada centro escolle un día da 1.ª quenda e outro da 2.ª

            1.ª quenda: 18, 19, 21, 25 e 26 de febreiro; e 7 de marzo (escoller un día)

            2.ª quenda: 10, 11, 12, 14, 18 e 19 de marzo (escoller un día)

Horario: ás 09:30 ou ás 12:00

O horario que se escolla para a 1.ª quenda deberá ser o mesmo que para a 2.ª quenda

Duración: 1 hora e 30 minutos

Dirixido a: alumnado de ESO, Bacharelato e FP

Número de participantes: máximo 50

Lugar de realización do obradoiro: no propio centro de ensino

Necesidades do profesorado do obradoiro: unha pizarra ou veleda

Para solicitar a actividade é necesario chamar ao teléfono: 986 81 02 81 os días 10 (luns) e 11 (martes) de febreiro, de 13:00 a 14:00

IMPORTANTE: CERTAME DE REGUEIFAS

Está previsto un certame o día 21 de marzo, venres, a partir das 10:00, no CVC de Valadares (camiño do Pedregal, 6), no que participarán rapaces e rapazas dos centros escolares participantes.

Estará guiado por regueifeiros e contarase con outras colaboracións.

Para a realización deste certame precísase que os centros que participen acorden asistir a este evento, por iso:

Pídeselles aos centros que comuniquen, á hora de facer a solicitude do obradoiro, se teñen intención de asistir ao certame.

O desprazamento até o Centro Cultural de Valadares vai por conta da Concellaría de Normalización Lingüística.

De asistiren, deberán indicar o número de alumnos/as que acudirán.