Prezados/as
amigos/as,
Remitímosvos
o número 20 de Ollos de aula, a revista que edita a
CGENDL para as familias do alumnado. Por mor das vacacións, esta entrega
correspóndese co bimestre marzo-abril. Ademais de anexala neste correo, podedes
descargala en:
- Descarga directa ou en formato dixital: http://www.coordinadoraendl.org/limiar.php?pax=ollosdeaula/ollosdeaula.html
- Correo de contacto: ollosdeaula@gmail.com
- Subscrición: http://coordinadoraendl.org/lists/?p=subscribe&id=2
No
presente número a psicopedagoga Lines Salgado achéganos á mediación escolar;
Pilar Sampedro, docente e membro da Asesoría de bibliotecas escolares da
Consellería de Educación, analiza o papel que debe xogar a familia na
iniciación á lectura; mentres que a pregunta desta entrega se centra en
"Como detectar un trastorno da conduta alimentaria?". Coma sempre,
Gracia Santórum preséntanos interesantes propostas literarias, musicais e de
ocio. A contracapa convídanos a reflexionar sobre a estigmatización do modelo
da fala dos galegofalantes que, ás veces, cometemos os propios docentes co noso
"bolígrafo vermello".
Dende a CGENDL convidámosvos a que este novo número sexa do interese da comunidade escolar e pedímosvos axuda na súa difusión así como colaboración na proposta de temas, colaboracións, etc.
Dende a CGENDL convidámosvos a que este novo número sexa do interese da comunidade escolar e pedímosvos axuda na súa difusión así como colaboración na proposta de temas, colaboracións, etc.
Saúdos normalizadores
CGENDL
Ningún comentario:
Publicar un comentario