Ops! é un obradoiro para lle mostrar ao
alumnado dos centros de ensino de Secundaria, Bacharelato e Formación
Profesional que o galego é:
- Unha entrada privilexiada para acceder
ao mundo en portugués
- A nosa vantaxe competitiva no cadro
español e europeo
A Concellaría de Normalización
Lingüística achégalles esta actividade aos centros de ensino para compartirmos
esta vantaxe que posuímos as e os galegofalantes, mais tamén coñecedora de que
a maioría do noso estudantado apenas ten contacto coa lingua e cultura
portuguesas.
Descoñecemos, non valoramos a lingua que
temos máis preto, a lingua compartida, e lingua que é hoxe en día a sexta máis
falada no mundo; oficial en 4 continentes e 8 países, sendo un deles Brasil,
potencia emerxente.
A lingua galega ten no portugués unha
ferramenta para afianzarse, valorarse e así... normalizarse. Sabendo galego,
achegámonos aos falantes de portugués, a novos mercados, posibilidades,
intercambios, cultura... Temos, pois, moito que gañar.
Duración: 100 minutos
Dirixido a: alumnado de Secundaria, Bacharelato e
FP, (hai que indicar o curso)
Lugar de realización da actividade: no propio centro
de ensino. No caso de que o obradoiro non se realice na súa aula habitual (onde
o alumnado ten as súas cousas) deben levar para o obradoiro algo para escribir:
bolígrafo, lapis, libreta...
Necesidades técnicas: unha sala con proxector e
pantalla para poder mostrar a presentación e os sitios web, así como unha saída
de son dun computador e conexión a internet (de ter algunha dúbida sobre o
desenvolvemento desta actividade, poden poñerse en contacto con Loaira 633 82 54
10).
Contidos:
1.- Temos moito que gañar
➢
Mostrar a vantaxe competitiva da Galiza en
relación á Lusofonía
➢
Mostrar o que a Lusofonía representa en termos
xeográficos, culturais e económicos
➢
Tomar consciencia do que sabemos e descoñecemos
respecto aos países que falan portugués
➢
Mostrar o que a poboación galega ten a gañar
sabendo portugués
2.- Ler está ao alcance do
teus ollos (ortografía)
➢ Mostrar que as palabras e as letras poden ser
lidas de distintas formas
➢ Mostrar como se len á galega as letras do alfabeto portugués non presentes
na ortografía da lingua galega
Entre as unidades 2 e 3
xogaremos a preencher buracos na letra dunha canción brasileira.
3.- Sabemos moito mais non
nos debemos confiar (léxico e gramática)
➢ Mostrar a nosa vantaxe competitiva en termos de
comprensión escrita (gramática e léxico)
➢ Mostrar que a maioría do léxico é común
➢ Advertir das dificultades léxicas: sinónimos,
falsos amigos, palabrar modernas, anglicismos
4.- Podes aprender ti
mesmo(a)
➢ Fornecer recursos para os alumnos e alumnas
seren autónomos na aprendizaxe
➢ Fornecer recursos culturais (música, cinema,
xornais, ebooks, xogos) para que se mergullen no mundo do portugués
O/a relator/a exprésase en
portugués de Portugal ou de Brasil, indistintamente. Utilízanse presentacións
en Office Impress, Internet, música e audio-visual.
Para máis información poden consultar o site web
ops.agal-gz.org/
Para
solicitar a actividade é necesario enviar cuberta, a solicitude que se achega,
o día 13 de outubro.
As
solicitudes atenderanse por estrita orde de chegada o 13 de outubro a partir
das 9:30 h e ata as 14:00 h
Importante:
os obradoiros concederánselles, en primeiro lugar, aos centros de ensino nos
que a actividade non foi impartida o pasado curso escolar.
