venres, 16 de maio de 2014
mércores, 14 de maio de 2014
RIFA SOLIDARIA EN PRO DE AVOAESCOLA
En Galiza co Galego apoiamos a campaña en favor de
Avoaescola.
Cada ano máis de 25.000 nenas e nenos na Galiza perden o contacto coa língua
galega.A mellor defensa do galego é apoiar a educación en galego da infancia.
http://www.galizacogalego.com/aipeavoaescola
PERCUSSOES
A Concellería de NL,
a través do Servizo de Normalización Lingüística do Concello de Vigo, oferta
unha actividade dinamizadora do galego dirixida á poboación escolar.
- Percussões
É un obradoiro onde
se descobren os puntos en común entre dúas culturas irmás: a brasileira e a
galega. Música, fauna, tradicións, comidas típicas e outras curiosidades… fan
que se esperte de maneira lúdica e interactiva o interese polas diversidades e
a un tempo semellanzas de dous países que comparten a mesma lingua. Tamén imos
facer algunha actividade musical en grupo para gozarmos da esencia dos ritmos
afrobrasileiros.
O obxectivo é mostrar
como os alumnos e alumnas por medio do galego poden aproximarse, relacionarse e
entender perfectamente ese inmenso país que xa é a quinta economía do planeta e
un referente político e cultural a nivel mundial.
Isto vai transformar
a lingua galega nunha vantaxe e provocará un reforzo para o seu estatuto e o
dos seus falantes dentro da aula e co profesorado. O relator usará un formato
de lingua portuguesa próximo, en termos lexicais, ás falas galegas que os
alumnos coñecen pasiva ou activamente. A metodoloxía do obradoiro será
práctica, procurando unha alta implicación das rapazas e rapaces.
Quen os imparte?
Xurxo Troncoso ten
estudos de percusión brasileira así como tamén de instrumentos populares.
Traballou como percusionista no Brasil e como profesor de teatro e música en
Madrid durante 7 anos. Ten un extenso labor de pesquisa en sistemas pedagóxicos
alternativos e experiencias de aplicación destes en centros educativos,
conservatorios, etc. Foi profesor de diferentes obradoiros de Percusión
Brasileira e de música folque para nenos e nenas. Profesor e fundador do
”Laboratorio Infantil“ dedicado a aulas de fomación artística e musical que
desenvolven espectáculos na cidade de Pontevedra. Performances na rúa,
presentacións do “Salón do livro” e máis de 6 espectáculos propios.
Como
músico ten colaborado con Carlinhos Brown, Uxia Senlle, en grupos de percusión
de rúa en Madrid, Holanda, Alemaña, Francia e Galiza.
Duración: 50
minutos
Dirixido a:
alumnado de infantil (5 anos)
Lugar de realización da actividade: no propio centro de ensino (espazo amplo e con boa acústica)
Para solicitar a actividade é necesario enviar
cuberta, a solicitude que se achega, o día 26 de maio ao correo electrónico
actividades.snl@vigo.org
As solicitudes, enviadas por correo electrónico,
atenderanse por estrita orde de chegada o día 26 de maio a partir das 09:30 e
até as 14:00
Importante: os obradoiros concederánselles, en
primeiro lugar, aos centros de ensino nos que a actividade non foi impartida o
pasado curso escolar.
Solicitude
de participación na actividade:
Percussões para infantil (5 anos)
Cubrirase unha
ficha por cada un dos grupos que desexen participar na actividade. Débese
remitir a solicitude ao correo electrónico: actividades.snl@vigo.org o día 26
de maio a partir das 09:30 e até as 14:00
Importante: non se
aceptarán as solicitudes que non estean correctamente cubertas (obrigatorio
cubrir todos os campos).
DATOS DO CENTRO DE ENSINO:
Nome do centro:
_________________________________________________________
Nome e apelidos da persoa de contacto:
______________________________________
-Durante a actividade é obrigatorio que estea
presente o/a titor/a do grupo que desenvolve a actividade-
Teléfono de contacto: __________________
Número de participantes do seu centro:
________________________
Número máximo de
participantes nun grupo: 40
Indicar a preferencia (de 1 a 10) para a
participación na actividade.
Non
marquen os días nos que non poidan recibir a actividade, porque de se lle
outorgar e non poder recibila, non se facilitará outra data.
_____ 2 xuño (luns),
ás 09:30 _____
5 xuño (xoves), ás 09:30
_____ 2 xuño (luns),
ás 12:30 _____
5 xuño (xoves), ás 12:30
_____ 3 xuño
(martes), ás 09:30 _____
6 xuño (venres), ás 09:30
_____ 3 xuño
(martes), ás 12:30 _____
6 xuño (venres), ás 12:30
_____ 4 xuño
(mércores), ás 09:30
_____ 4 xuño
(mércores), ás 12:30
Importante: a
Concellería de Normalización Lingüística confirmará -por correo electrónico- a
cada centro o/s grupo/s admitido/s, con indicación do día e a hora
adxudicado/s.
FILME " O APÓSTOLO"
O sábado 7 de xuño vaise proxectar o filme "O
Apóstolo" no Auditorio Municipal.
A proxección está aberta a todo o público (a partir de 10
anos), achégase o cartel publicitario para que fagan difusión desta actividade.
CARTEL
Amais, achéganse uns enlaces no documento anexo para que
traballen nas aulas sobre este filme.
Tráiler película 'O APOSTOLO' http://oapostolo.com/pelicula/trailer/
Estes son os enlaces ao traballo que está a facer TRIBU2.O,
no blog pódese ver o traballo que se está a facer xa nalgúns centros
educativos:
enlace do exemplo
do traballo que están a facer nos colexios, este é o que fixeron sobre a
película no Luis Vives de Ourense https://sites.google.com/site/petodasanimas/
xoves, 8 de maio de 2014
mércores, 7 de maio de 2014
CAMPAÑA DE APOIO Á LECTURA
A Asociación de comerciantes e industriais da zona de Pi Y Margall, por mor do " Día das Letras Galegas", a semana do 17 de maio, agasallan as compras cun libro.
https://dl.dropboxusercontent.com/u/22728933/comerciantes%20pi%20y%20margall.pdf
https://dl.dropboxusercontent.com/u/22728933/comerciantes%20pi%20y%20margall.pdf
ACTIVIDADES PARA O " DÍA DAS LETRAS GALEGAS"
Estimados/as amigos/as,
Un curso máis, a CGENDL pon á disposición da comunidade escolar unha páxina
monográfica que compila recursos e materiais sobre o autor homenaxeado no Día
das Letras Galegas, nesta ocasión o poeta e tradutor Xosé María Díaz
Castro: http://coordinadoraendl.org/letras2014.
Nela, partíllanse recursos didácticos como actividades para imprimir e en
liña, información en diferentes soportes, exposicións, xogos, experiencias en
centros, etc. que foron elaborados por docentes, ENDL e outros grupos de
traballo dos centros escolares, institucións, asociacións, etc. Dende a CGENDL
pretendemos novamente facilitar o voso labor nas aulas; por iso, agardamos polos
vosos traballos, propostas e experiencias para partillar co resto do
profesorado e as familias: correo@coordinadoraendl.org.
Por último, queremos lembrarvos que xa está en marcha o Premio Leixaprén, de
recoñecemento á defensa e promoción do idioma, ata o 30 de maio coas
candidaturas de Fernando Vázquez, María Xosé Silvar “Sés”, María Mera e Esther
García del Barrio. Poden participar todos os Equipos de Normalización adscritos
á Coordinadora a través do sitio web: http://www.coordinadoraendl.org/premioleixapren2014/index.php.
Dende a CGENDL animámosvos a participar nesta rede colaborativa que
construímos entre todos/as co voso traballo e o voso compromiso coa lingua e a
formación do noso alumnado.
Saúdos normalizadores
CGENDL
xoves, 1 de maio de 2014
CICLO DE CINE INFANTIL E XUVENIL
CICLO DE CINE INFANTIL E XUVENIL
SESIÓNS MATINAIS OS SÁBADOS ÁS 11,30H
A
Concellería de Igualdade informa que durante os cinco sábados do mes de maio
proxectará no auditorio municipal 5 filmes dixiridos ao público infantil e
xuvenil.
Os títulos elixidos corresponden a filmes nos que o papel protagonista, e polo tanto activo no guión, o interpreta unha nena, ou un grupo equitativo de rapaces e rapazas.
A entrada é de balde e libre ata completar as localidades
Lugar: Auditorio municipal (Praza do Rei, núm. 1)
Datas: sábados 3, 10, 17, 24 e 31 de maio
Hora de comezo das proxeccións: 11:30h
No arquivo adxunto pódese obter información sobre as 5 películas que se proxectaran neste ciclo.
A organización resérvase o dereito de modificar o programa establecido.
Agardamos que esta información sexa do voso interese e agradecemos que a difundades entre as vosas amizades.
Os títulos elixidos corresponden a filmes nos que o papel protagonista, e polo tanto activo no guión, o interpreta unha nena, ou un grupo equitativo de rapaces e rapazas.
A entrada é de balde e libre ata completar as localidades
Lugar: Auditorio municipal (Praza do Rei, núm. 1)
Datas: sábados 3, 10, 17, 24 e 31 de maio
Hora de comezo das proxeccións: 11:30h
No arquivo adxunto pódese obter información sobre as 5 películas que se proxectaran neste ciclo.
A organización resérvase o dereito de modificar o programa establecido.
Agardamos que esta información sexa do voso interese e agradecemos que a difundades entre as vosas amizades.
PROGRAMA DESTE MES
martes, 29 de abril de 2014
CONTOS DO MEDIO
A Concellería de NL, a través do Servizo de
Normalización Lingüística do Concello de Vigo, oferta unha actividade
dinamizadora do galego dirixida á poboación escolar.
- Contos do
medio
Atendendo á importancia da reprodución das
plantas para o mantemento dos ecosistemas, os Contos do medio contarán
cunhas protagonistas de vital importancia. Son as abellas.
Para entender o seu mundo, os Contos do medio
falarán das estacións do ano e pararémonos na primavera -estación na que
desenvolven unha grande actividade-, ensinarán pegadas dos bosques e matos nos
que se atopan estes animais tan fermosos, os perigos aos que se enfrontan,
produtos elaborados por elas e rematarán coa “Historia dunha abella”.
Duración: 50 minutos
(este tempo pode ser ampliado en función do interese do centro escolar)
Dirixido a:
alumnado de infantil (4 e 5 anos)
Lugar de realización da actividade: no propio centro de ensino
Necesidades técnicas da actividade: unha aula cun pequeno espazo baleiro de mesas; pode haber cadeiras ou
algunha colchoneta para que o alumnado estea cómodo.
Para calquera dúbida sobre o desenvolvemento
da actividade poden consultar con
Marcelo Rodríguez 686 99 87 06
Para solicitar a actividade é necesario enviar cuberta,
a solicitude que se achega, o día 12 de maio ao correo electrónico
actividades.snl@vigo.org
As solicitudes, enviadas por correo electrónico,
atenderanse por estrita orde de chegada o día 12 de maio a partir das 09:30 e
até as 14:00
Marta Souto González
Técnica do SNL
mc/
Vigo, 22 de abril de
2014
Solicitude
de participación na actividade:
Contos do medio para infantil (4 e 5 anos)
Cubrirase unha
ficha por cada un dos grupos que desexen participar na actividade. Débese
remitir a solicitude ao correo electrónico: actividades.snl@vigo.org o día 12
de maio a partir das 09:30 e até as 14:00
Importante: non se
aceptarán as solicitudes que non estean correctamente cubertas (obrigatorio
cubrir todos os campos).
DATOS DO CENTRO DE ENSINO:
Nome do centro:
_________________________________________________________
Nome e apelidos da persoa de contacto:
______________________________________
-Durante a actividade é obrigatorio que estea
presente o/a titor/a do grupo que desenvolve a actividade-
Teléfono de contacto: __________________
Número máximo de
participantes nun grupo: 30
Hai que indicar a preferencia (de 1 a 10) para
a participación na actividade.
Non
marquen os días nos que non poidan recibir a actividade, porque de se lle
outorgar e non poder recibila, non se facilitará outra data.
_____ 26 maio (luns),
ás 09:30 _____
29 maio (xoves), ás 09:30
_____ 26 maio (luns),
ás 12:00 _____
29 maio (xoves), ás 12:00
_____ 27 maio
(martes), ás 09:30 _____
30 maio (venres), ás 09:30
_____ 27 maio
(martes), ás 12:00 _____
30 maio (venres), ás 12:00
_____ 28 maio (mércores),
ás 09:30
_____ 28 maio
(mércores), ás 12:00
Importante: a
Concellería de Normalización Lingüística confirmará -por correo electrónico- a
cada centro o/s grupo/s admitido/s, con indicación do día e a hora
adxudicado/s.
PREMIO LEIXAPRÉN DE RECOÑECEMENTO Á DEFENSA E PROMOCIÓN DA LINGUA GALEGA
A CGENDL convoca un ano máis o Premio
Leixaprén de recoñecemento á defensa e promoción da lingua galega,
unha actividade aberta á participación de todos os Equipos de Normalización
Lingüística dos centros de ensino adscritos á CGENDL.
Nas bases que podedes consultar na páxina web establécese que os destinatarios do premio serán persoas, entidades ou institucións que se caractericen por unha defensa activa da lingua galega en diferentes ámbitos de actuación. As candidaturas seleccionadas nesta edición son:
Como participar?
O prazo de votación remata o 30 de maio e farase a través da páxina web e da persoa que coordine o Equipo do voso centro, que deberá utilizar o enderezo electrónico que deu para adscribirse á CGENDL. Para resolver calquera problema ou facer as vosas consultas podedes dirixirvos a correo@coordinadoraendl.org.
Difusión no centro escolar
Dende a CGENGL animámosvos a participar nesta iniciativa proactiva que procura apoiar publicamente a aposta decidida que polo idioma fan día a día persoas, institucións, colectivos e empresas no seo da sociedade.
Para que teña difusión entre o alumnado, pódese organizar unha actividade para dar a coñecer os/as candidatos/as por medio dun mural, panel ou taboleiro no que se penduren as súas imaxes, a biografía e novas relacionadas con eles, tanto da súa faceta profesional como de apoio á lingua. Tamén se poden proxectar a través dos sitios web dos equipos e centros (páxinas, blogues, redes sociais....), nos que ademais se pode recorrer a vídeos dos protagonistas.
Finalmente, pódese organizar unha votación entre o alumnado e o profesorado a través de urna ou de medios electrónicos premiando a participación con algún agasallo simbólico.
Saúdos normalizadores
CGENDL
www.coordinadoraendl.org
Neste enlace podedes ver a ficha d@s candidat@s para poder votar. Animádevos!
https://dl.dropboxusercontent.com/u/22728933/premio-leixapren-bn.pdf
Nas bases que podedes consultar na páxina web establécese que os destinatarios do premio serán persoas, entidades ou institucións que se caractericen por unha defensa activa da lingua galega en diferentes ámbitos de actuación. As candidaturas seleccionadas nesta edición son:
- Fernando Vázquez
- María Xosé Silvar “Sés”
- María Mera
- Esther García del Barrio
Como participar?
O prazo de votación remata o 30 de maio e farase a través da páxina web e da persoa que coordine o Equipo do voso centro, que deberá utilizar o enderezo electrónico que deu para adscribirse á CGENDL. Para resolver calquera problema ou facer as vosas consultas podedes dirixirvos a correo@coordinadoraendl.org.
Difusión no centro escolar
Dende a CGENGL animámosvos a participar nesta iniciativa proactiva que procura apoiar publicamente a aposta decidida que polo idioma fan día a día persoas, institucións, colectivos e empresas no seo da sociedade.
Para que teña difusión entre o alumnado, pódese organizar unha actividade para dar a coñecer os/as candidatos/as por medio dun mural, panel ou taboleiro no que se penduren as súas imaxes, a biografía e novas relacionadas con eles, tanto da súa faceta profesional como de apoio á lingua. Tamén se poden proxectar a través dos sitios web dos equipos e centros (páxinas, blogues, redes sociais....), nos que ademais se pode recorrer a vídeos dos protagonistas.
Finalmente, pódese organizar unha votación entre o alumnado e o profesorado a través de urna ou de medios electrónicos premiando a participación con algún agasallo simbólico.
Saúdos normalizadores
CGENDL
www.coordinadoraendl.org
Neste enlace podedes ver a ficha d@s candidat@s para poder votar. Animádevos!
https://dl.dropboxusercontent.com/u/22728933/premio-leixapren-bn.pdf
Subscribirse a:
Publicacións (Atom)