8 DE MARZO: DÍA DA MULLER TRABALLADORA.

O 8 de marzo DIA DA MULLER TRABALLADORA, é unha historia de solidariedade dos pobres. Son os empobrecidos os que comezan a unirse para a súa promoción. As mulleres loitan polos dereitos de ambos sexos, son sensibles pola vida en xeral, abordan o tema da fame, da guerra, da escravitude e explotación dos nenos. Todas as súas declaracións avogan por unha solidariedade claramente global e internacional. Como cita a doutora en historia M. Araus: " A muller pasou á historia do movemento obreiro como a nai da Solidariedade, sen a súa capacidade de resistencia e de loita non habería movemento obreiro." O 8 de marzo foi cambiando de orientación ao longo dos anos desde as súas orixes.

O 8 de marzo de 1550, morre San Juan Divos (nace outro 8 de marzo) que liberou a moitas mulleres empobrecidas da época, en particular a prostitutas, que sacándoas dos bordeis ofrecíalles formación e traballo, ou as incitaba ao traballo de liberar a outras mulleres coa súa mesma sorte.

O 8 de marzo de 1857, centos de mulleres dunha fábrica de téxtiles de Nova York organizaron unha marcha en contra dos baixos salarios (Os salarios que recibían as mulleres eran inferiores nun 60 ó 70 % ao que percibe o home.) e as condicións inhumanas de traballo.

A policía dispersou ás manifestantes, que dous anos despois crearon o seu primeiro sindicato. Desde aquel histórico 8 de marzo, a data foi un termómetro da loita das mulleres polo recoñecemento nun mundo de homes.

Un dos acontecementos mundialmente coñecidos, e realmente lamentable, foi o sucedido en Nova York polo ano 1908 na fábrica Cotton Textile Factory de Wáshington cando un grupo de traballadoras declararon unha folga en protesta polas insoportables condicións de traballo ocupando a fábrica. Só pedían ter o mesmo salario que os homes, descanso dominical, redución ás 10 horas a xornada, dereito á lactación e redución da xornada laboral. O dono non aceptou a folga, pechou as portas da fábrica e prendeulle lume... morreron 129 mulleres.

1909: Nova York foi de novo testemuña das protestas de 15.000 mulleres traballadoras. Baixo o lema "Pan e Rosas", no que o pan simbolizaba a seguridade económica e as rosas a calidade de vida, as mulleres estenderon as súas protestas cara ao dereito ao voto e o fin do Escravitude infantil.

Outra versión xustifica a orixe do 8 de marzo na segunda Conferencia Internacional das Mulleres Socialistas en 1910 en Copenhague, Dinamarca. Alí, a alemá Clara Zetkin -integrante do Sindicato Internacional de Obreiras da Confección- demandou instituir o Día Internacional da Muller para reclamar os dereitos políticos, civís e económicos de todas as mulleres no mundo. Zetkin propuxo o día 8 de marzo.

Outros actos:
1910 España: o rei autoriza ás mulleres a realizar estudos superiores.
1910 Institúese en Cuba a celebración do Día Internacional da Muller

En 1911, ao ano seguinte e en resposta a este decreto, máis dun millón de mulleres e homes europeos participaron en manifestacións por demandas de igualdade para a muller.

En marzo de 1911, a morte de máis de 140 mulleres inmigrantes nun incendio nunha fábrica na cidade de Boston, levou á introdución de importantes cambios nas regulacións laborais.

O 8 de marzo de 1917 as mulleres traballadoras e estudantes de Petrogrado realizaron unha folga por Pan e Paz ante a morte de 2 millóns de rusos na primeira guerra mundial. Esta manifestación, que para algunhas historiadoras é considerada o detonante da revolución rusa, realizouse contrariando as ordes da dirixencia da oposición zarista, renuente a convocar  unha folga xeral nesa data por temor a unha gran represión.

O ano 1976, as Nacións Unidas celebrou por primeira vez o 8 de marzo como o Día Internacional da Muller.

http://biblogcolmeiro.blogspot.com/2009/03/dia-da-muller-traballadora_08.html
http://www.kaosenlared.net/noticia/dia-da-muller-traballadora
http://issuu.com/colexio/docs/muller_traballadora
http://www.terra.es/personal/cpp28498/39.htm

Benvida a TEGRIÑA

No apartado " A nosa lista de blogues" incorporamos o blogue da EEI Monte da Guía. Aí podedes atopar unidades didácticas, proxectos de traballo e actividades plurilingües moi interesantes. Benvid@s!

O CEIP CAMPOLONGO DE PONTEVEDRA HOMENAXEA Ó MESTRE QUIROGA

Desde o día 22 de Febreiro e ,durante dúas semanas,  ten lugar no CEIP Campolongo de Pontevedra a Exposición - Homenaxe do músico pontevedrés, Manuel Quiroga, dirixida pola mestra de música, Mª Luísa Taboada Rivadulla. Esta exposición conmemora os 50 anos do pasamento deste músico universal. Un dos mellores compositores do mundo na súa època.
A exposición que poderá visitarse de luns a venres en horario lectivo polas mañás, e de luns a xoves de 16.30 a 18.30, contará con documentos orixinais do autor, facilitados por Milagros Bará Viñas, sobriña neta de Quiroga, nela hai tamén datos sobre a súa vida e traxectoria musical así como documentos gráficos e sonoros .

O traballo é o resultado da colaboración de toda a comunidade educativa, a través das distintas aportacións documentais, recollida de datos, preparación e selección do material, e na producción plástica dos rapaces.

Para máis información este artigo enlaza co blogue do Campolongo.

ACTIVIDADES SOBRE O ENTROIDO VIGUÉS. CEIP " O POMBAL", VIGO

O Entroido é unha festa popular cuia orixe está na indicación do fin do inverno e comenzo da primavera. É a época na que se poden rachar tódalas normas, cambiar de identidade e ironizar con calquera personaxe.

Os entroidos máis famosos de Galicia son, sen dúbida, os ourensáns de Laza, Verín e Xinzo. Os peliqueiros e cigarróns centran a atención dos visitantes. Pero aínda existen dúbidas sobre a súa orixe.

Sendo éstes os máis salientables, en toda Galicia hai moitos outros. Pega a pena lembrar os de Boqueixón, Vedra, A Estrada, Vila de Cruces, Silleda e Chantada, entre outros.

Pero non debemos esquencer que tamén hai Entroido tradicional na nosa cidade, e que ten como referente a figura do " Merdeiro".

Atrévete a investigar o Entroido de Vigo e descubrirás as orixes, os costumes e as tradicións que rodean esta celebración na nosa cidade e bisbarra.

http://centros.edu.xunta.es/ceipopombal/wesquest/curso_09_10/entroido/entroido.htm

PROPOSTA DE ACTIVIDADES PARA O ENTROIDO

A Coordinadora Galega de ENDL vén de poñer á disposición da comunidade educativa unha páxina web dedicada ao Entroido. Neste monográfico especial podedes atopar información bibliográfica e da rede sobre o entroido, especialmente sobre o entroido tradicional galego; unha escolma de recursos educativos (unidades didácticas, propostas de actividades, cazas do tesouro, xogos, léxicos, receitarios, etc.); manualidades (plantillas de máscaras e antifaces, láminas para colorear, etc.); e literatura relacionada con esta celebración.

Estes materiais foron elaborados na súa maior parte por docentes, equipos de normalización, bibliotecas e outros grupos de traballo escolares, por iso queremos recoñecer este grande labor que desenvolvedes nos centros ao tempo que solicitamos a vosa colaboración para achegar novos recursos que poidamos compartir coa comunidade educativa.

SON DE POETAS

Son de poetas é unha páxina web adicada á antoloxía da poesía galega musicada, donde podedes atopar poemas para traballar nas aulas. Esta antoloxía da poesía galega musicada é un proxecto dos grupos de lingua galega e literatura e do Equipo de Normalización do IES David Buján de Cambre, A Coruña.

DÍA 21 DE FEBREIRO. DÍA MUNDIAL DA LINGUA MATERNA.

O día 21 de febreiro será o día das linguas maternas das diferentes culturas do mundo.

A nosa precisa tamén de coidados.

Salvemos a Cultura Galega!


http://www.blogoteca.com/nlcampolongo/index.php?cod=96529

ESPAZOS WEB DE INTERESE SOCIOEDUCATIVO

Asociación Socio-Pedagóxica Galega.

LINGUA GALEGA TV

Unha televisión en liña centrada na lingua galega.

GALEGOLAB

GALEGOLAB é unha organización sen fin de lucro, fundada en 2010, que ten como obxectivo o impulso de accións concretas de promoción da lingua galega, cun enfoque de abaixo-arriba, con especial incidencia nas culturas emerxentes e na naturalidade da vida cotiá. A súa ferramenta principal é a web GalegoLab, unha rede social de crowdsourcing, para concitar apoios ás accións propias e as que propoñan os usuarios e outros colectivos. Esta web está en marcha dende o 20 de maio do 2010.
O crowdsourcing é a combinación de traballo e recursos dunha gran cantidade de persoas a través dunha web e cun fin determinado.
O obxectivo da web de GalegoLab é promover novas ideas de actuación a prol da lingua galega, coordinar recursos para esas actuacións, e executar e diseminar os resultados das mesmas.

En GalegoLab podes dar ideas, botar unha man e colaborar en accións a prol do galego.

CORRELINGUA 2011

http://www.correlingua.org/apuntate.aspx

ENCONTRO DE EQUIPOS E DOCENTES POLA NORMALIZACIÓN

A Coordinadora Galega de ENDL convida aos coordinadores/as e membros de Equipos de Dinamización da Lingua Galega e demais docentes interesados na normalización lingüística no ensino a participar no Encontro de docentes e equipos pola normalización, que terá lugar o vindeiro sábado 12 de marzo no IES As Fontiñas de Santiago de Compostela. Pódese consultar o programa e toda a información relativa nos arquivos anexos a este correo ou no enderezo web http://www.coordinadoraendl.org/entrada.php.

Esta xornada quere servir de espazo de encontro do grande colectivo dos profesionais do ensino que traballa pola normalización da lingua galega nos centros escolares e o seu contorno para seguir ampliando as posibilidades de colaboración co obxectivo de dotar o alumnado da plena competencia lingüística tal e como establece a lexislación. Ao longo da xuntanza teremos a posibilidade de compartir diferentes experiencias que se desenvolven en institutos e colexios por medio de encontros simultáneos que abordarán diferentes perspectivas do labor normalizador e dinamizador.

Dende esta conxunción de esforzos, o encontro quere achegar un discurso optimista que revirta na calidade do ensino para lle outorgar ao galego o lugar que lle corresponde de seu na sociedade, tarefa na que como profesionais do ensino temos a obriga de nos implicar de maneira activa.

A inscrición é gratuíta e formalízase a través de correo@coordinadoraendl.org  sinalando nome e apelidos e centro de ensino.

Por último, pedímosvos que nos axudedes a difundir esta información nos vosos centros e entre os vosos contactos así como a través das páxinas e outros sitios web.

O galego e a galegofobia no programa "Gran Hermano" 2011

AS CATRO ESTACIÓNS

A CAVERNA DE PLATÓN

A CAVERNA DE PLATÓN

Dirixido ao alumnado de Bacharelato

Preséntase con este espectáculo unha nova actividade para escolares, desta vez cunha temática para invitar á reflexión e o pensamento:

O resultado é un espectáculo de estética atrevida e rompedora que pretende facer máis atractivos os principios fundamentais da tradición clásica, en relación directa co currículo de Bacharelato, e como forma

de aula complementaria ás clases recibidas no centro sobre a temática.

A Caverna de Platón. En forma de instalación multimedia e cunha linguaxe completamente contemporánea (danza, teatro, vídeo) a actividade que se ofrece recrea a metáfora da caverna coma se Platón se erguese na actualidade da súa propia tumba e comprobase que a caverna que el mesmo descubriu como exemplo do máis decadente do ser humano consúmase na actualidade a través do televisor. Con este proxecto trátase de darlle significación á filosofía, deixando patente a súa utilidade no mundo actual.

Datas:

Mércores 2 de marzo ás 10:00 e ás 12:00h

Venres 4 de marzo ás 11:00h

Martes 1 de marzo ás 11:00h.

Lugar:

Salón de Actos - Verbum Casa das Palabras

Duración:

90 min.

Participantes:

80 alumnos/as por sesión

Máis Información e recursos:

http://www.youtube.com/watch?v=WZ1mg13VXiQ

http://vimeo.com/11137554

http://www.oteatroresoante.es/

A ILLA DAS MULLERES LOUCAS

Este venres 18 de Febreiro ás 21:00 horas no Auditorio Municipal de Vigo.terá lugar  a representación da obra A Illa das Mulleres Loucas.  Baseada na obra homónima de Alfonso Pexegueiro, A illa das mulleres loucas é un recital dramático onde a linguaxe do corpo (encarnada polas actrices María Caparrini e Vanesa Sotelo) e a palabra do propio autor en escena se combinan coa música orixinal que os integrantes de Berrogüetto

Anxo Pintos (zanfona) e Quico Comesaña (harpa) compuxeron para a ocasión e interpretan en directo.

Isto, xunto co deseño de iluminación creado por Baltasar Patiño, dá como resultado unha peza poética de gran plasticidade na que as fronteiras entre o pasado, o presente e o futuro se esvaen para desvelar un tempo suspendido onde unha muller libra a súa propia batalla por definir os límites entre cordura e loucura. http://www.inversateatro.com/

Próximas funcións de A Illa das Mulleres Loucas:

(Rede Galega de Teatros e Auditorios)

3 de Marzo ás 20:30 h no Teatro Colón de A Coruña

24 de Marzo ás 20:30 h no Auditorio Gustavo Freire de Lugo

27 de Maio ás 21:00 h no Teatro Principal de Santiago de Compostela

FORO MUSICAL " Percebe Son"

Os estudantes de 2º de Produción de Audiovisuais e Espectáculos en colaboración co EDNL do centro, organizan o vindeiro 17 de febreiro o foro musical "Percebe Son" http://percebeson.wordpress.com/actividades/. Como poderedes comprobar na relación de actividades, é unha excelente mostra do que esta á facer na nosa lingua na actualidade no eido músical.  E pensamos que combina actividades didácticas ( como a charla , ou a gravación ao vivo dun programa de radio) cunhas outras lúdicas que teñen como eixo o galego.

O desexo do noso EDNL é o de convidar ao maior número de  Equipos a que veñan a gozar da xornada canda nós, xa que será unha estupenda ocasión para que os rapaces coñezan unha realidade á que non adoitan a ter acceso. Pensamos que é unha actividade especialmente axeitada para rapaces de bacharelato ou ciclos formativos ( por razóns de idade). Así que os que consideredes que sexa factible vir, seredes máis que benvidos

Máis somos conscientes da dificultade, organizativa e económica, que supón o desprazamento até o noso centro. Cando menos queríamos pedirvos a colaboración, moi especialmente aos de Vigo e arredores, de que difundirades a actividade entre o alumnado que poidades considerar público potencial

Moitas grazas de ante man pola vosa axuda.

SEMANA DAS CURTAS

O Equipo de Dinamización da Lingua Galega do IES Audiovisual de Vigo, en colaboración coa Coordinadora Galega de ENDL, ofrece a actividade "A Semana das Curtas", que se levará a cabo do 28 de febreiro ao 3 de marzo.

Esta actividade, que pode ser de especial interese para os Equipos de Dinamización da Lingua Galega (sobre todo de centros de Ensino Secundario), consistirá no visionado de 4 paquetes de curtametraxes, e outros traballos audiovisuais de curta duración como videoclips, dunha hora máxima de duración. Os equipos e centros inscritos na Semana das Curtas poderán descargar estas curtametraxes, que xa podedes coñecer na páxina de referencia da actividade, http://www.semanacurta.com/, que se irá actualizando ao longo dos próximos días. Ademais, o alumnado poderá opinar e intercambiar as súas impresións sobre os traballos proxectados no seu centro a través dun blogue.

Se estades interesados en participar na Semana das Curtas, anotádevos no enderezo correo@coordinadoraendl.org incluíndo os seguintes datos, necesarios para facilitarvos as claves de descarga na semana do 21 de febreiro:

• Nome do centro,
• Departamentos/docentes implicados,
• Niveis educativos en que se vai desenvolver a actividade,
• Nº de alumnos/as implicados/as,
• Profesor/a de contacto (tamén correo),
• Observacións (dúbidas, suxestións, etc.).

CONCERTO ACÚSTICO DE SÉS.

 Airapro, unha produtora audiovisual fundada en Carral (A Coruña) polos actores Xosé A. Touriñán e Marcos Pereiro, levan a representación e producción de artistas musicais e ofrece estos ós servizos de Normalización. Un deles é Sés, o novo grupo de María Xosé Silvar (a que fora cantante de Chámalle Xis!, colaborou nos últimos discos de Xabier Díaz e Zënzar), que ademais de filóloga (Galega) e antropóloga, ten unha voz incrible e un enorme talento como compositora, pois é autora de todas as cancións de Sés, pezas de rock, blues e música latina escritas en galego, cun sentido claro de compromiso coa lingua e de estilo literario.

Convídámosvos a que escoitedes as cancións na súa web http://www.mariaxosesilvar.com/ ou no seu myspace: www.myspace.com/mariaxosesilvar e que valoredes a posibilidade de contar con Sés para calquera acto de normalización lingüística, un tipo de eventos nos que xa ten participado na universidade da Coruña. Estes meses estase movendo un formato acústico da banda, para pequenos eventos, no que María Xosé só está acompañada do guitarrista Tito Calviño. 

Para máis información e teléfonos de contacto podedes facelo a través do correo da CDEDLG de Vigo.

PAZ

A paz, efectivamente, conséguese coa achega individual de cada un. Na seguinte montaxe audiovisual tomase como base unha significativa canción dentro da traxectoria do grupo irlandés The Cranberries que leva por título Zombie.

Trátase dunha composición feita en clase. Sinalar que a letra non se refire a mortos viventes senón ao estado de aturdimiento no cal quedamos cando nos decatamos dunha tráxica notica moi impactante (deambulamos pola rúa, nese caso, como zombies).

Este tema foi composto pola cantante do grupo (Dores Ou Riordan) a partir do sobrecoxedor suceso da morte de dous inocentes nenos nas inmediacións dun centro comercial por mor dun atentado terrorista do IRA.
Consiste no seguinte: cada alumno escribe a palabra paz sobre as liñas do pentagrama en varios idiomas diferentes. Sobre o conxunto, en vermello, engádese diagonalmente o título da canción con letras moito máis grosas.
Para rematar (aínda que no resultado final aparece en primeiro lugar) outra persoa, borrador en man, elimina todo o traballo realizado. Con todo, ao aplicar un movemento de cámara investido (un dos trucos cinematográficos máis antigos) no canto de borrar parece que escribe.

Velaquí o resultado, sobre a música orixinal de The Cranberries.

Video: A PALABRA PAZ EN 83 IDIOMAS.

ACTIVIDADES PARA TRABALLAR A PAZ EN INFORMÁTICA. TICS.

AS VERDADEIRAS COVAS DO FOLÓN.

" Mentres camiñas polo medio do bosque en dirección a unha das entradas do sistema de cavidades pseudo-karsticas do Folón, no concello de Vigo, a terra de súpeto comeza a falar e a tremer. Un son rítmico sae de debaixo das enormes bolas graníticas e, nalgún sitio, mesmo percibes vibracións que se transmiten á terra e aos teus pés. É o Folón, e de aí vén o seu nome, ao balbordo, á folie, á tolemia, ao gurgullo constante que vén das profundidades. O son é o do río da Rega que, máis enriba, desaparece de súpeto da superficie da ladeira e comeza a esvarar no subterráneo entre un enorme complexo de bolas de granito, un inframundo de estreitas cavidades e voltas labirínticas. Mentres, o río peta contra as pedras, remuíña en marmitas. As covas do Folón son un lugar único en Galicia, a terceira cova granítica de Europa. Teñen un percorrido en longo dun quilómetro, pero as incursións que fas nelas fanche avanzar moi pouco. Vinte metros, no Folón, son unha auténtica aventura."

Manuel Gago, xornalista, director de culturagalega.org, profesor da Universidade de Santiago de Compostela e editor de Capítulo 0.

VIAXE ÁS COVAS DO FOLÓN. CONCURSO.

PARTICIPA NA CREACIÓN DOS PERSONAXES DO VIDEOXOGO!


 As concellarías de Normalización Lingüística e Xuventude do Concello de Vigo están a desenvolver un VIDEOXOGO sobre a nosa cidade. Xogando esta aventura as rapazas e os rapaces poderán coñecer moitos feitos importantes da historia de Vigo, do noso patrimonio e da nosa lingua. Poden participar os estudantes de 2º ou 3º Ciclo de Primaria dalgún centro de ensino de Vigo.

Para poder xogar esta aventura se necesitan personaxes e pódese colaborar na súa creación participando no concurso de debuxo dos protagonistas do videoxogo.

Cada estudante participará na categoría do seu ciclo de estudos e poderá optar aos premios do mellor personaxe RAPAZA e mellor personaxe RAPAZ.

Para máis información preme neste enlace:
http://www.viaxeascovasdofolon.com/ViaxeasCovasdoFolon_BasesConcurso.pdf

REVISTA " LINGUA VIVA". SNL DE VIGO.

V CERTAME DE RECOLLA DA TRADICIÓN ORAL GALEGO-PORTUGUESA

http://www.pontenasondas.org/gl

Subvencións para a presentación de proxectos de fomento do uso do galego dos centros de titularidade privada de Galicia

Booktrailer da novela: " O pintor do sombreiro de malvas" Ed. Xerais

O pintor do sombreiro de malvas de Marcos Calveiro, premio " Lazarillo de literatura xuvenil " 2009 e premio " Fervenzas Literarias"  ao mellor libro xuvenil de 2010. Esta novela, editada no mes de abril do pasado ano 2010, vai xa pola terceira edición e está recibindo unha excelente acollida tanto da crítica como dos lectores.
A peza audiovisual e a música foi creada por David Rodríguez e as ilsutracións son de Ramón Trigo.

http://www.xerais.es/cgigeneral/newFichaProducto.pl?obrcod=2543106&id_sello

http://www.xerais.es/cgigeneral/ficha_autor.pl?id_autor=100022093&id_sello

I Xornadas dos ENL do Concello de Pontevedra

UNS BREVES APUNTAMENTOS HISTÓRICOS.

Facendo unha breve análise comparativa e reflexiva atopámonos, revisando os anais da historia, con que un século- ou dous-  despois do xurdimento de movementos intelectuais en defensa da lingua, a pervivenza da lingua de noso atópase, de novo, no vertixe dun conflito social, que algúns provocan e queren asociar a ideas políticas maniqueas, e de novo, xorden agrupacións en prol da súa defensa, as CEDLG, (Coordinadoras de Coordinadoras/-es de Equipos de Dinamización Lgtca. e docentes )  o que fai pensar que política e intelectualmente non temos avanzado nada.

Xa no século XVIII, xorden as voces de denuncia dos chamados "ilustrados", que demostran a súa inquedanza polo subdesenvolvemento de Galicia e ofrecen propostas renovadoras da vida económica, social e cultural. Entre este minoritario grupo de intelectuais, despunta con forza a figura do Pai Frei Martín Sarmiento, personaxe polifacético (naturalista, lingüista, bibliófilo...) que defendeu o uso do galego no ensino, na Administración e na Igrexa, isto é, a súa normalización como lingua propia dos galegos.

En 1915, Aurelio Ribalta, realizou un chamamento desde a revista “ Estudios Galegos” para defender a lingua galega. Un ano máis tarde Antón Vilar Ponte recolleu esa chamada e comezou desde La voz de Galicia unha campaña para a creación dunha Liga de Amigos do Idioma Galego cuias máximas eran a defensa, dignificación e fomento do uso da lingua galega. O 18 de maio de 1916, convocou unha xuntanza nos locais da Real Academia Galega na Coruña, á que asistiron arredor de 20 persoas nesta xuntanza acordouse a creación dunha Irmandade dos Amigos da Fala que tería como obxectivo a defensa, exaltación e fomento da lingua de Galicia.

As Irmandades da Fala creáronse para a defensa, dignificación e cultivo do idioma, do mesmo xeito que as CEDNLG; a primeira das Irmandades fúndase na Coruña en 1916, séguena outras repartidas polas principais cidades e vilas de Galicia (Ferrol, Ourense, Betanzos, Santiago..). Do mesmo xeito, en 2009, un conxunto de docentes de lingua galega, habilitadas/-os para tal fin,- un grande avance secular-, vense na obriga de retomar esas ideas inaugurais e as accións fundacionais por comarcas, co fin de que a dignificación merecida á que tiña chegado a lingua galega, non esmorecera de novo a causa de políticas restritivas, personalistas, leis irresponsables e descoñecedoras da realidade lingüística do galego e alleas á realidade social que vive Galicia.

Sen entrar en consideracións doutro tipo, a lingua galega, na primeira década do século XXI, aínda non chegou ós niveis de uso da lingua castelá. Por iso, hoxe, xorden voces discordantes que integran as Coordinadoras, e cuia finalidade non é política, nin serve a intereses partidistas, como algúns e algunhas queren facer ver á sociedade, senón única e exclusivamente, á defensa da lingua de noso que volve pasar por un dos seus momentos máis críticos. Para difundiren o seu ideario as Irmandades editaron unha publicación periódica totalmente en galego: A Nosa Terra. Hoxe, as Coordinadoras publican blogues.

As Irmandades promoveron a elaboración de diccionarios e gramáticas, de estudos linguísticos e reivindicaron a presencia do galego na Administración e no ensino. As Coordinadoras publican actividades, concursos, poñen a disposición dos seus usuarios ferramentas lingüísticas, técnicas de traballo intelectual, espallan o uso da lingua de noso, e reivindican, de novo, e como antano, o uso da lingua galega no ensino, non en igualdade de uso co castelán, á que non é igual, senón a través dunha discriminación positiva que faga desta unha lingua de prestixio e coñecida e competente no ámbito social. As Irmandades déronlle pulo á actividade editorial nas principais cidades galegas, ademais de frecuentes seccións en galego na prensa en castelán, as Coordinadoras fano a través da rede, e o profesorado – que se sinte comprometido e magoado- nas aulas, actuando libremente e seguindo estritamente o establecido na Lei- considerada inxusta e ilegal -, aínda que os e as antes mencionados, se empeñen en cualificar este xeito de tratamento de “imposición”. No contexto das Irmandades aparece a revista Nós, da man de V. Risco, Otero Pedrayo e Florentino Cuevillas, que conforman o coñecido "Grupo Nós". A eles lígase a figura de Afonso Daniel Rodríguez Castelao, que ademais do ser un dos máximos referentes literarios do século XX, insigne representante da política galega respectado e reinvindicado por distintas instancias políticas de tendencias ben diferentes na actualidade, literatos non recoñecidos hoxe, que se saiba, coma “ terroristas da lingua” "radicais" ou impositores de ideas nacionalistas na sociedade, senón como defensores, fundamentalmente, da lingua galega.

Os membros de "Nós", cunha ampla formación intelectual, marcan como finalidade a eliminación do lastre folclorista da cultura galega, mediante a súa actualización, normalización e universalización. A revista contaba coa colaboración de autores estranxeiros (portugueses, irlandeses, cataláns, franceses...), que a poñían en contacto coas correntes europeas, ademais de traducións variadas e artigos, tanto de carácter científico (arqueoloxía, etnografía, antropoloxía, socioloxía...) coma literarios. Hoxe en día as Coordinadoras realizan ese traballo nas redes sociais, e poñendo en coñecemento da poboación en xeral, entre outras, a recuperación das tradicións que se perderon na nosa cultura polo influxo do castelán e o catolicismo, pero que se conservan noutras culturas afíns á nosa: O Samaín, o Apalpador..., e presentan tamén nos seus traballos unha ampla gama de propostas de modernidade, para facer da nosa lingua algo vivo, e non ancorado a un pasado decadente.

A obra literaria destes intelectuais, que recuperan campos como o ensaio, outórgalle á prosa galega un grao de desenvolvemento pleno e integra a nosa cultura no contexto europeo, obras que forneceron a nosa literatura de novas técnicas de creación que se estaban a desenvolver na literatura europea incorporándolle temáticas universalistas, lendarias e exóticas, urbanas e pensamentos filosóficos, cousa que, os membros que integran as Coordinadoras, fornecen e espallan a través do coñecemento e a formación que se intercambian.

“Imposición do uso do galego” din os detractores do espallamento destes movementos sociais e intelectuais, “xustiza histórica e lóxica aristotélica” que se ve reflectida nas verbas, tan actuais, de Vilar Ponte: “A nosa lingua é o camiño de ouro da nosa redención e do noso progreso: sen a lingua morreremos como pobo, e nada significaremos endexamais na cultura universal. [...] Eu penso que as únicas setas que van sempre rectas a furar o branco do futuro son aquelas que se lanzan valéndose do arco da nosa lingua, xa que só entón nos mostramos orixinais. Eses que viven de costas ás orixes dificilmente poderán redimirse da servidume do mimetismo. ¿Que cousa máis orixinal que a lingua dun pobo, xerada por accións e reaccións seculares entre o home e a Natureza” ( 1916).

Entre todos os homes e mulleres de Galicia, solidariamente, como fixeron os de antano, debemos manter a idea de que a lingua galega constitúe unha reivindicación primordial. Trátase do máis rico tesouro do pobo galego.

Mabel Pérez

Fontes: Wikipedia, www.galicia espallada.com.ar

Desenho animado infantil sobre a paz - Aranha Popô rompendo a corrente

Día da Paz: Parrulo busca á súa nai

RECURSOS PARA O DÍA DA PAZ.

30 DE XANEIRO
DÍA DA PAZ

http://www.blogoteca.com/nlcampolongo/index.php?cod=94763
http://sites.google.com/site/dereitoshumanospaztransversais/Home
http://www.sgep.org/index.php?lang=gl
http://orientacionandujar.wordpress.com/actividades-complementarias/
http://www.aulaintercultural.org/article.php3?id_article=675

En galego, e logo!

Galicia segue sendo unica (galego)

Galicia, si, e unica (galego)

Galicia

ORGULLOS@S DO GALEGO.

EN GALEGO PROBA E VERÁS.

HOMENAXE A FRANCISCO FERNÁNDEZ DEL RIEGO.

Venres 14 de xaneiro, ás 19:30 h, no Centro Social Novacaixa galicia de Vigo

TEATRO " FAHRENHEIT 451"

O Verbum - Casa das Palabras, en coprodución con Limiar Teatro, presenta o vindeiro mes de febreiro o espectáculo teatral  VERBUM FAHRENHEIT, baseado na novela de Ray Bradbury " Fahrenheit 451" . O argumento xira ao redor de dous personaxes encarceados por cometer o delito de ler nunha sociedade na que bombeiros incendiarios queiman os libros prohibidos. En prisión estes homes perden a súa identidade en favor da dos libros aos que representan e que conseguen salvar mediante a súa transmisión oral.

O espectáculo, que conta con textos de Celso Emilio Ferreiro, Rosalía de Castro, Manuel Antonio, Manuel Rivas, Pessoa, Amalia Rodrigues, Martín Codax, Álvaro Cunqueiro, Estíbaliz Espinosa ou Castelao, está acompañado de música en directo e unha posta en escea futurista, e procura a participación activa do público na mesma, que deixa de ser un mero espectador para converterse en verdadeiros homes-libro.

DESTINATARIOS. Alumnado de Secundaria e Bacharelato

DATAS. 1, 2, 3, 4, 8, 9, 10 e 11 de febreiro de 2011

HORARIOS. Sesións ás 10 e ás 12h

DURACIÓN. 60 min.

AFORAMENTO. 100 participantes por sesión

ENTRADA DE BALDE

INFORMACIÓN E RESERVAS. 637 123 656 (Candy)

Agardamos a vosa participación!

PREMIO APALPADOR

Convocatoria do Premio Apalpador 

O PRAZO DE PRESENTACIÓN DE TRABALLOS AMPLÍASE ATA O 16 DE XANEIRO.

A Irmandade dos Apañacastañas, asociación sen ánimo de lucro, ten como fin principal o espallamento da figura e a tradición do Apalpador e, para dalas a coñecer ás e aos rapaces galegos, convoca o presente Premio Apalpador 2010 para actividades escolares e extraescolares.
O obxectivo é que se multipliquen as actividades realizadas por moit@s implicad@s na recuperación do Apalpador e que se organicen moitos máis concursos, semanas do Apalpador, viaxes de recoñecemento, desfiles, visitas, cartaces, redaccións...Recibiranse orixinais até as 23,59 h do domingo, 16 de xaneiro do 2011.

FELICITACIÓN DE NADAL DA CDEDLG DE VIGO E BISBARRA

 

A CDEDLG DESÉXAVOS UN BO NADAL, E QUE O VINDEIRO ANO ENCHAMOS DE PEGADAS E PALABRAS FERMOSAS O CAMIÑO DUN FUTURO MELLOR PARA A LINGUA DE NOSO. FELIZ 2011!

POSTAIS PARA FELICITAR. CGENLG.

EXERCICIOS DE REPASO PARA O NADAL.

http://gl.wikibooks.org/wiki/Exercicios_de_l%C3%A9xico_en_lingua_galega

POSTAL DE NADAL. CPR NS ESPERANZA.

Todas e todos os que formamos a Comunidade Educativa NS Esperanza
desexámosvos unhas Felices Festas e que o ano vindeiro, e os que lle seguen,
vexades cumpridas tódalas vosas esperanzas e desexos, persoais e profesionais.

BO NADAL! e FELIZ 2011!!!


                                                 

ANTÓN E O APALPADOR.

XA ESTÁ A PIQUES DE CHEGAR, CASTAÑAS VÉN DE APAÑAR!

       Vaite logo, meu meniño
        (miña meniña)
        marcha agora
        para a camiña
       Que vai vir o Apalpador
       a apalparche a barriguiña

       Xa chegou o día grande
       día do noso Señor.
       Xa chegou o día grande
       e virá o Apalpador.

       Mañá é dia de cachela,
       que haberá gran nevarada
       e há vir o Apalpador
       cunha mega de castañas.

                                                                                         Por aquela cemba
                                                                                         xa ven relumbrando
                                                                                         o señor Apalpador
                                                                                         para darvos o aguinaldo.

cachela=plancha furada para asar as castañas
mega=cesta para apañar castañas e outros froitos secos
cemba=parte elevada dunha montaña ou camiño

CALENDARIO. CEIP ILLAS CÍES.

POSTAL DE NADAL CEIP ILLAS CÍES

PARA MARIÑEIROS NÓS

POSTAL DE NADAL. PINTOR LAXEIRO.

POSTAL DE NADAL. COLEXIO ANDERSEN.

O COLEXIO ANDERSEN CUMPRE 24 ANOS.
 PARABÉNS!

Booktráiler.

No blog de Xerais podedes ver un novo booktráiler de promoción. Trátase do booktráiler da novela Periferia de Iolanda Zúñiga (Premio Xerais de Novela 2010). 
A peza audiovisual foi deseñada e montada por David Rodríguez.
http://xerais.blogaliza.org/2010/12/16/«periferia«-de-iolanda-zuni

OBRAS DE TEATRO PARA REPRESENTAR NAS AULAS

CONCURSO DE SMS DE FELICITACIÓN

A iniciativa procura dinamizar o galego nun ámbito do que o noso alumnado é coñecedor e usuario, o das novas tecnoloxías, nunhas datas nas que os SMS van encher os móbiles dos mozos e mozas con felicitacións preelaboradas que saltan de aparello en aparello. Para que a lingua tamén navegue pola rede e chegue a todo o mundo a través da creación de SMS, animámosvos a que difundades, en tan só 5 minutos, entre o voso alumnado esta proposta (anexamos o cartaz da actividade). Como poden participar?

• Trátase de recoller e difundir na páxina da coordinadora os SMS que cree o noso alumnado para felicitar o Nadal e o Aninovo.
• Procurarase que as mensaxes SMS, ademais de seren en galego, sexan orixinais e creativas, que a innovación e o enxeño conquisten os móbiles e a rede.
• O alumnado cumprimentará o formulario (sobrenome/nick, idade, centro educativo, localidade, provincia, e-mail e o espazo reservado para o seu SMS).
• Na páxina disporán dun dicionario galego de SMS, ao que poderán achegar novos termos SMS co seu significado, contribuíndo así a enriquecer esta ferramenta.
• Para dinamizar a actividade, os usuarios da páxina poderán votar as súas mensaxes preferidas ata o 2 de xaneiro. Os 3 SMS máis votados recibirán cadanseu lote de agasallos.

Agardamos que estas propostas sexan do voso interese e pedímosvos a vosa colaboración para achegar novos recursos e difundir as actividades nos vosos centros (aulas, taboleiros, blogues, redes sociais, etc.).

BLOGUES DE UTILIDADE DO CEIP QUINTELA MOAÑA.

Enviados polo CEIP Campolongo.

http://www.blogoteca.com/galefas/index.php
http://dinamizanormaliza.blogspot.com// (a web do equipo de Normalización)http://colexioquintela.blogspot.com/
http://bibliotecadocole.blogspot.com/
http://audiobiblio.blogspot.com/
http://cursodesexto.blogspot.com/
http://segundocicloenquintela.blogspot.com/
http://poemasparapeques.blogspot.com/
http://infantilquintela.blogspot.com/

POSTAL COLECTIVA DO CEIP SOBREIRA-VALADARES

REGUEIFÁNDOLLE E RAPEÁNDOLLE AO NADAL

Habilidade, enxeño: humor, ironía.

Controversia, quebracabezas de palabras.

Desafío, réplicas.

Ritmo, rima, construción poética...

Apúntate!!

Achégate este Nadal á improvisación oral.

Vén regueifar e rapear á Casa da Xuventude.

DATAS:

27, 28, 29 e 30 de decembro

HORARIOS:

A (de 14 a 18 anos): de 17:00 h a 18:30 h

B (a partir dos 18 anos): de 19:00 h a 20:30 h

http://snl.vigo.org e

www.xuventudevigo.org

ORGANIZAN SNL DE VIGO E CASA DA XUVENTUDE

.vigo.org e

www.xuventudevigo

PRESENTACIÓN EN VIGO DO LIBRO: "EN CASTELLANO NO HAY PROBLEMA"

CONVITE.- O 15 de decembro en Vigo presentación de En castellano no hay problema, de Carlos Callón, presidente da Mesa pola Normalización Lingüística.

Día: cuarta feira (mércores) 15 de decembro.

Hora: 20 h.

Lugar: Local da Mesa en Vigo (Abeleira Menéndez, 28, baixo as oficinas da Policía Local).

Participan:

Elsa Quintas, coordinadora da Mesa en Vigo.

Xosé Manuel Moo, pola editora Xerais.

Carlos Callón, presidente da Mesa e autor da obra.

ACTIVIDADES SOBRE O APALPADOR. CEIP MESTRES GOLDAR. VIGO

RECURSOS SOBRE O APALPADOR. CEIP FRIÁNS-TEIS. VIGO

Pincha debaixo do título para acceder.

MERCA LIBROS, MERCA NADAL

O día 17 de Decembro, no Centro comercial Praza Elíptica en Vigo

PROGRAMA
Actividades

09:30h Inauguración da Xornada

Sorteo dun paquete de libros cada hora..

10.00 h Pizarra interactiva de IR INDO, “Aprender e xogar coas novas tecnoloxías”.

11.00 h “Os Barbanzóns” con Pepe Carreiro, de Editorial Toxosoutos, unha nova entrega desta popular tira cómica..“

12.00 h A Odisea contada para os pequenos", Editorial Rodeira -EDEBE. Volvendo ao mundo dos clásicos.

17.00 h Actualidade Internacional contada dende Galicia.

Presentación de "TEMPO EXTERIOR" do Igadi: OS ESTADOS TABÚ: unha realidade internacional da que non se fala.
18.10 Alimentación - Medicina natural - Nutrición: A Saúde en xogo
Presentación da Editorial Amyris e a Revista saber Alternativo.
19.00 h Faladoiro co escritor Francisco Castro: "SIMBAD, MARCO POLO... A LITERATURA É PARA VIAXAR".

20.00 h "Noente Paradise", da Editora Através
Presentación do Libro-Disco de Ugia Pedreira acompañada de Marina Oural

TEATRO XOANIÑA:" A CABEZA DO DRAGÓN"

O Grupo de Teatro de Xoaniña ( integrado por nais, pais e profes de Xoaniña) ten o pracer de anunciar a súa próxima función.

Será o vindeiro Sábado 18 de Decembro ás 6 da tarde no Auditorio de Salceda, con

“A CABEZA DO DRAGÓN",  unha adaptación da obra do mesmo título de Ramón María del  Valle-Inclán, e que dirixe Irene Moreira.

Toda a recadación obtida coa venda de entradas será doada íntegramente a  Shanga India, unha ONG que traballa e leva a cabo varios proxectos na India http://www.shangaindia.org/

O precio será de 2 euros para os adultos  e 1 euro para os nenos/as.

Unha  agradable tarde de teatro e  risas polo Nadal cos máis pequenos  (pero tamén avós, tíos, curmáns, amigos….)

Pero sobre todo unha pequena contribución a este proxecto que  ten como obxectivo a escolarización dos nenos dunha rexión da India que está illada e non conta con ningún tipo de axuda.

RECURSOS DE NADAL PARA TRABALLAR NAS AULAS

Escolma de recursos sobre o Nadal elaborados por docentes, institucións e asociacións. Inclúe unidades didácticas, actividades en liña, manualidades, vilancicos, contos, o refraneiro, etc.

Agardamos que este proxecto vos sexa de axuda e pedímosvos a vosa colaboración para achegar novos recursos para compartir cos Equipos de Normalización e a comunidade educativa en xeral.

Consello Directivo

Coordinadora Galega de ENDL

Felicitemos o Nadal en galego coas postais do noso alumnado

A Coordinadora Galega de ENDL puxo en marcha unha modesta iniciativa co fin de levar tamén a lingua a un ámbito, as felicitacións de Nadal, no que ocupa un lugar secundario, especialmente no terreo comercial. Esta actividade procura espallar -a través da rede por todo o mundo- as felicitacións de nadal que elabora o alumnado dos centros escolares.

Como podedes participar?

· Trátase de recoller nesta páxina as postais que elaboran os alumnos e alumnas para os concursos escolares ou para as aulas. Neste espazo disponse da posibilidade de enviar algunhas destas imaxes para felicitar o Nadal e o Aninovo, de xeito dixital, a través delas. Seleccionarase unha mostra significativa e o usuario que se achegue á páxina poderá engadir o texto que considere e enviar as súas felicitacións por medio da rede.

· Para seleccionar as postais, terase en conta a presenza de texto en galego e mesmo lemas de fomento de uso da lingua. Os traballos non seleccionados ficarían igualmente expostos no espazo habilitado no web.

· Nas postais figurará o nome do/a alumno/a que a deseñou e o centro ao que pertence.

· Cada centro só poderá enviar un máximo de 4 traballos, un por cada ciclo educativo no caso dos centros de Infantil e Primaria.

· É preciso que acompañades a postal dun permiso expreso (por parte dos pais do alumno/a e tamén do centro) que autorice á CGENDL a usala e difundila.

Ata cando?

· O prazo de recepción de postais rematará o venres 17 de decembro.

Poden participar persoas que non sexan docentes ou alumnos/as?

· Se tes un deseño ou unha proposta que partillar con nós, coa comunidade educativa e con todo o mundo podes dirixirte a correo@coordinadoraendl.org

Saúdos normalizadores

Consello Directivo

Coordinadora Galega de ENDL

DICCIONARIO GALEGO DAS TICS

LINGUAS CRUZADAS

http://flocos.tv/curta/linguas-cruzadas/

CINE EN GALEGO. ACCESO DIRECTO A FILMES.

GALEGO.ORG

RECURSOS PARA A ATENCIÓN Á DIVERSIDADE

RECURSOS EDUCATIVOS

MANUAIS DE GALEGO

CONCURSO DE NADAL 2010

PROGRAMA BOCABERTA.SXPLG.

XOGOS NA REDE. SXPLG.

PREMIO BARBANTIA PARA A COORDINADORA DE EQUIPOS DE NORMALIZACION DO BARBANZA

http://equiposndlbarbanza.blogspot.com/

http://www.coordinadoraendl.org/doc/que_e_a_CGENDL.pdf